បើតាមការចុះផ្សាយរបស់ BBC Sport ដែលបានចេញផ្សាយនៅថ្ងៃនេះ បានអោយដឹងថា ក្រុមជើងឯក Serie A ក្រុម Inter Milan បានប្រកាសពីការតែងតាំងលោក Simone Inzaghi ជាគ្រូ​បង្វឹក​ថ្មី ជំនួសកៅអីលោក Antonio Conte ដែលបានលាឈប់កាលពីសប្តាហ៍មុននេះ ក្នុងកិច្ច​សន្យា​រយៈ​ពេល ២ឆ្នាំ ។

Simone Inzaghi វ័យ ៤៥ឆ្នាំ បានសម្រេចចូលរួមជាមួយក្រុមជើងឯកអ៉ិតាលី Inter Milan បន្ទាប់ពីធ្លាប់ឈ្នះពាន Coppa Italia និង Super Cup ជាមួយក្រុម Lazio ក្នុងរយៈពេលដឹកនាំបាន ២២ឆ្នាំរបស់លោក និងដឹកនាំ Lazio បញ្ចប់ត្រឹមចំណាត់ថ្នាក់លេខ៦ នៅ Serie A រដូវកាលនេះ។

សូមរំលឹកថា លោក Inzaghi បានក្លាយជាអ្នកចាត់ការទូទៅក្នុងឆ្នាំ២០១០ ដោយបានដឹកនាំឈុតយុវជនរបស់ Lazio មុនពេលត្រូវបានតែងតាំងជាគ្រូបង្វឹកបង្គោលក្នុងឆ្នាំ២០១៦ មក៕