កំពង់ធំ៖ លោក ងួន រាសី អភិបាលរងខេត្តកំពង់ធំ សមាជិកក្រុម ប្រឹក្សា និងគណៈកម្មការស្វាយចន្ទីខេត្តកំពង់ធំបានកោត សរសើរ និងអបអរសាទរដល់សមាគមស្វាយចន្ទីកម្ពុជា ដែលបានខិត ខំ ស្វះស្វែង រកដៃគូរសហការទំនាក់ទំនងយ៉ាងសកម្មជាមួយ វិនិយោ គិនជាតិ និងអន្តរជាតិធ្វើឱ្យផលិតផលស្វាយចន្ទី មាន ដំណើរការ ល្អនិងមានកំណើនជាលំដាប់ ជាពិសេសស្វាយចន្ទីនៅ ក្នុងខេត្ត កំពង់ធំ កំពុងមានកេរ្តិ៍ឈ្មោះនៅបណ្តាប្រទេសក្នុងអាស៊ាន និង សកលលោក។

 លោក ងួន រាសី អភិបាលរងខេត្តបញ្ជាក់ដូច្នេះក្នុងវេទិកាជំនួបធុរកិច្ច រវាងក្រុមហ៊ុន CSNC ជាមួយសិប្បករ កសិករស្វាយចន្ទី និងកម្មវិធី ចុះអនុស្សរណៈកាលពីចុងសប្ដាហ៍កន្លងទៅនេះនានសណ្ឋាគារគ្លររៀស។

លោកអភិបាលរងខេត្តកំពង់ធំបានបន្តថា ខេត្តកំពង់ធំមាន ភូមិសាស្រ្ត ល្អ និងអាកាសធាតុ អំណោយផលចំពោះ ដំណាំស្វាយចន្ទី ។ខេត្ត មានផ្ទៃដីដាំដុះស្វាយចន្ទី ១១៥.០២១ ហិកតានិងផ្តល់ទិន្នផល ជា មធ្យម ២០០.០០០តោនឬ៣០ភាគរយនៃផលិតកម្ម ស្វាយចន្ទីនៅ ក្នុងប្រទេសកម្ពុជា។ ខេត្តកំពង់ធំមានសិប្បកម្មកែច្នៃប្រាំបីកន្លែង ។ក្នុងនោះតូចចំនួនប្រាំមួយនិងមធ្យមពីរកំពុង សាងសង់ដោយក្រុម ហ៊ុន សិង្ហបុរី និងក្រុមហ៊ុនជប៉ុន។

យោងតាមបាយការណ៍ឆ្នាំ២០២៣ឮកម្ពុជាសម្រេចបាននូវការនាំចេញគ្រាប់ស្វាយចន្ទីមិនទាន់កែច្នៃទៅទីផ្សារអន្តរជាតិចំនួន៦៥៦.០០០តោន ថយចុះ៧ភាគរយ។ ដោយឡែកនាំចេញទៅប្រទេស វៀតណាម ចំនួន៦១៨.០០០តោន ថយចុះ១៦ភាគរយ។ គិតជាទឹកប្រាក់ ៨៣៧ លានដុល្លារអាមេរិក។

លោក អភិបាលរងខេត្តបន្ថែមថា គោលនយោបាយជាតិស្តីពី ស្វាយ ចន្ទីបានកំណត់នូវយុទ្ធសាស្ត្រសំខាន់ចំនួន៣គឺ៖
១-យុទ្ធសាស្រ្តនៃការផលិត ២-យុទ្ធសាស្រ្តនៃការកែច្នៃ ៣-យុទ្ធសាស្រ្តនៃការនាំចេញ៕
អត្ថបទ៖ ប៊ុន រដ្ឋា