សម្តេចធិបតីនាយករដ្ឋមន្ត្រី និងលោកជំទាវ ពេជ ចន្ទមុន្នី ហ៊ុនម៉ាណែត គ្រោងនឹងអញ្ជើញបំពេញទស្សនកិច្ចជាផ្លូវការ នៅប្រទេសថៃ តបតាមការអញ្ជើញរបស់នាយករដ្ឋមន្ត្រីថៃលោក សេដ្ឋា ថាវីស៊ីន។ ដំណើរទស្សនកិច្ចនៅថ្ងៃទី៧ កុម្ភៈ ឆ្នាំ២០២៤ នឹងផ្តោតលើការពង្រីកកិច្ចសហប្រតិបត្តិការរវាងគ្នា រាប់ចាប់តាំងពីកិច្ចការព្រំដែន រហូតដល់ការដឹកជញ្ជូន, ការធ្វើពាណិជ្ជកម្ម និងការបណ្តាក់ទុនថែមទៀត។ ថ្នាក់ដឹកនាំកម្ពុជា និងថៃ បានប្តេជ្ញាមុននេះថា នឹងជម្រុញកិច្ចសហប្រតិបត្តិការរវាងប្រទេសទាំង២ ឱ្យបានទំហំ ១៥ប៊ីលានដុល្លារ នៅក្នុងឆ្នាំ២០២៥។ អប្សរាណិតធ្វើសេចក្តីរាយការណ៍