សម្ដេចតេជោ ហ៊ុន សែន៖ ប្រជាជនថៃភាគច្រើនចង់បានសន្ដិភាព និងចង់បានមិត្ដភាពជាមួយកម្ពុជា តែក៏ក្រុមជ្រុលនិយមមួយចំនួនរាប់ទាំងមេដឹកនាំនយោបាយថៃបានវាយប្រហារខ្ញុំ ហើយផ្ដាំទៅលោកជំទាវ អ៊ុងអ៊ីង ថា ខ្ញុំអស់ការអត់ធ្មត់ជាមួយលោកជំទាវហើយ បន្ទាប់ពីលោកជំទាវចេញមកវាយប្រហារខ្ញុំ និងប្រទេសខ្ញុំម្ដងហើយម្ដងទៀត ថ្ងៃនេះ ខ្ញុំនឹងបញ្ជាក់ពីរឿងរ៉ាវខ្លះឱ្យប្រជាជនថៃដឹងពីត្រកូលស៊ីណាវ៉ាត់ ។

សម្ដេចតេជោ បន្ថែមថា លោកជំទាវ អ៊ុង អ៊ីង នាយករដ្ឋមន្រ្ដីថៃ ដើម្បីយកចិត្តសម្ដេច បាននិយាយអាក្រក់ពីមេទ័ពខ្លួនប្រាប់សម្ដេច ទង្វើនេះ បើនៅកម្ពុជា ជាអំពើក្បត់ជាតិ ។

សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា បានបញ្ជាក់ដូច្នេះក្នុងឱកាសអញ្ជើញជួបសំណេះសំណាលជាមួយសមាជិកក្រុមប្រឹក្សាឃុំ-សង្កាត់ ស្រុក-ក្រុង ខេត្តព្រះវិហារចំនួន ៤៤៦នាក់ នៅសាលាខេត្តព្រះវិហារ នាព្រឹកថ្ងៃទី២៧ ខែមិថុនា ឆ្នាំ២០២៥ ៕

ដោយ ៖ វណ្ណលុក