(ព្រៃវែង)៖ សម្ដេចតេជោ ហ៊ុន សែន បានថ្លែងថា រដ្ឋមន្ដ្រីការពារជាតិស្ដីទីរបស់ថៃ ថា មិនមានការបិទច្រកព្រំដែនទេ គឺគ្រាន់តែកែសម្រួលពេលវេលា។ សម្ដេចតេជោ ចោទសួរថា តើនិយមន័យថា បើក តែកែសម្រួលពេលវេលា មានន័យយ៉ាងដូចម្ដេច តើវាខុសគ្នាត្រង់ណា?

សម្ដេចថា ដូច្នេះដើម្បីកុំឱ្យមានភាពអាម៉ាស់ សូមអ្នកប្រាប់ទៅប្រជាជនអ្នកខ្លួនឯងទៅត្រង់ចំនុចនេះ ព្រោះកម្ពុជា មិនខ្វល់ថា បិទ ឬកែសម្រួលពេលវេលាទេ អ្វីដែលកម្ពុជាចង់បាន គឺការវិលទៅសភាពដើម មុនថ្ងៃទី០៧ មិថុនា មិនចាំបាច់សុំចរចានាំស្មុគស្មាញ ។

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានថ្លែងដូច្នេះ ក្នុងឱកាសអញ្ជើញជួបសំណេះសំណាលជាមួយគណៈគ្រប់គ្រង បុគ្គលិកអប់រំ សាស្ត្រាចារ្យ សិស្ស និស្សិត និងលោកគ្រូ អ្នកគ្រូ នៃមជ្ឈមណ្ឌលអប់រំ និងបណ្តុះបណ្តាល ជា ស៊ីម កំចាយមារ នាព្រឹកថ្ងៃទី០៣ ខែកក្កដា ឆ្នាំ២០២៥ ស្ថិតនៅក្នុងសាកលវិទ្យាល័យជាតិ ជាស៊ីម កំចាយមារ ស្រុកកំចាយមារ ខេត្តព្រៃវែង ៕

អត្ថបទ ៖ វណ្ណលុក
រូបភាព ៖ សួង ពិសិដ្ឋ