តំណាងរាស្ត្រមណ្ឌលខេត្តបន្ទាយមានជ័យអញ្ជើញសួរសុខទុក្ខកម្លាំងវរនគរបាលការពារព្រំដែនគោក
អត្ថបទដោយ៖
គៀន ច័ន្ទហ៊ីន
បន្ទាយមានជ័យ ៖ឯកឧត្តម សេរី កុសល តំណាងរាស្ត្រមណ្ឌលខេត្តបន្ទាយមានជ័យនិងក្រុមការងារ កាលពីថ្ងៃទី៦ ខែកក្កដា ឆ្នាំ២០២៥ បានអញ្ជើញសាកសួរសុខទុក្ខកម្លាំងវរនគរបាលការពារព្រំដែនគោកដែលកំពុងឈរជើងនៅជួរមុខក្នុងភូមិសាស្ត្រស្រុកថ្មពួក ខេត្តបន្ទាយមានជ័យ។
ក្នុងឱកាសនេះឯកឧត្តម សេរី កុសល បានសម្ដែងនូវការកោតសរសើរនិងគោរពចំពោះទឹកចិត្តដ៏អង់អាចក្លាហានរបស់នាយនគរបាល ពលនគរបាលនៃវរនគរបាលព្រំដែនគោកព្រំដែនទាំងអស់ដែលបានបូជាសាច់ស្រស់ឈាមស្រស់បំពេញភារកិច្ចការពារបូរណភាពទឹកដីមិនឱ្យសត្រូវឈ្លានពានបាន។
ក្នុងឱកាសដដែលនេះឯកឧត្តម សេរី កុលស និងក្រុមការងារថ្នាក់ជាតិចុះមូលដ្ឋានស្រុកភ្នំស្រុក ក៏បាននាំយកអំណោយ ជាថវិកានិងគ្រឿងឧបភោគ បរិភោគមួយចំនួនធំទៅផ្តល់ជូនដល់កម្លាំងវរនគរបាលការពារព្រំដែនគោកចំនួន៤ផងដែរ៕
ដោយ៖ គៀន ច័ន្ទហ៊ីន
