ប្រធានសភាពាណិជ្ជកម្មខេត្តបន្ទាយមានជ័យ នាំយកអំណោយទៅជូនកងកម្លាំងកំពុងបំពេញភារកិច្ចនៅព្រំដែន
អត្ថបទដោយ៖
គន្ធា ឃិន
បន្ទាយមានជ័យ ៖ឧកញ៉ា អ៊ឹង វណ្ណម៉ៅ ប្រធានសភាពាណិជ្ជកម្មខេត្តបន្ទាយមានជ័យ ព្រមទាំងក្រុមការងារកាលពីថ្ងៃទី១៣ ខែកក្កដា បាននាំយកអំណោយជាគ្រឿងឧបភោគ បរិភោគ ទៅផ្តល់ជូនដល់កងកម្លាំងទាំង៣រួមមាន ស្នងការដ្ឋាននគរបាលខេត្ត បញ្ជាការដ្ឋានកងរាជអាវុធហត្ថខេត្ត និងកងកម្លាំងយោធភូមិភាគទី៥ ទីបញ្ជាការទិសទី១ បន្ទាយមានជ័យ ។
ក្នុងឱកាសនោះឧកញ៉ាប្រធានសភាពាណិជ្ជកម្មខេត្តបន្ទាយមានជ័យ បានកោតសរសើរនិង ថ្លែងការគោរពដឹងគុណយ៉ាងក្រៃលែងចំពោះកងកម្លាំងប្រដាប់អាវុធទាំងអស់ ដែលបានលះបង់កម្លាំងកាយ ចិត្ត ពេលវេលា ឃ្លាតឆ្ងាយពីក្រុមគ្រួសារដើម្បីការពារជាតិមាតុភូមិ ទល់នឹងការឈ្លានពានពីសត្រូវដែលចង់បានទឹកដីកម្ពុជា។
អំណោយដែលផ្តល់ជូនរួមមាន អង្ករ, ទឹកត្រី, ទឹកស៊ីអ៊ីវ, បារី, ទឹកសុទ្ធរួមនិងថវិកាមួយចំនួន៕
ដោយ៖ឃិន គន្ធា
