បន្ទាយមានជ័យ៖សភាពាណិជ្ជកម្មរខេត្តខេត្តបន្ទាយមានជ័យ ដឹកនាំដោយឧកញ៉ា អ៊ឹង វណ្ណម៉ៅ អនុប្រធានសភា​ពាណិជ្ជ​កម្ម កម្ពុជា និងជាប្រធានសភាពាណិជ្ជ​កម្ម​ខេត្តបន្ទាយមានជ័យ បណ្ឌិត អោម សេងបូរ៉ា ស្ថាបនិកស៊ីអ៊ីអូ ម៉ាស្ទ័រក្លិប សមាជិក សមាជិកា អាជីវករ ម្ចាស់សហគ្រាស និងសប្បុរសជនជាច្រើននាក់កាលពីថ្ងៃទី១៥ ខែកក្កដា ឆ្នាំ​២០២៥​បានអញ្ជើញសាកសួរសុខទុក្ខ និងនាំយកនូវគ្រឿងឧបភោគ បរិភោគ និងថវិកាមួយចំនួនជូនដល់កង​កម្លាំង​ជួរមុខ​នៃប្រាសាទតាមាន់ ខេត្ត​ឧត្តមានជ័យ។

ក្នុងឱកាសនៃកាសាកសួរសុខទុក្ខ ឧកញ៉ា អ៊ឹង វណ្ណម៉ៅ បានថ្លែងអំណរគុណចំពោះ​កងកម្លាំង​ប្រដាប់​អាវុធ​ទាំងអស់ ដែលបានលះបង់កម្លាំងកាយ ចិត្ត ពេលវេលា ឃ្លាតឆ្ងាយពីក្រុមគ្រួសារ ប្រពន្ធកូន ដើម្បីការពារ​ជាតិមាតុភូមិ ពីការ​ឈ្លានពានរបស់​សត្រូវដែលចង់បានទឹកដីកម្ពុជា។

សូមជម្រាបថា ជាមួយនឹងការសាកសួរលើកទឹកចិត្តផ្ទាល់ប្រតិភូសភាពាណិជកម្ម​ខេត្តក៏បាននាំ គ្រឿងបរិភោគ ឧបភោគ សម្ភារប្រើប្រាស់និងថវិកាមួយចំនួនធំ ប្រគល់​ជូនកងទ័ពជួរមុខប្រចាំទិស ប្រាសាទតាមាន់ ស្រុកបន្ទាយ​អំពិល ខេត្តឧត្តរមានជ័យ។អំណោយមាន អង្ករ ទឹកស៊ីអ៊ីវ ទឹកត្រី សៀង ពងទា តង់ ធូបមូស ទឹកបរិសុទ្ធ បារី អាវភ្លៀង នំ កាហ្វេ និងថវិកា៕

ដោយ៖ឃិន គន្ធា