ខេត្តឧត្តរមានជ័យមានប្រជាពលរដ្ឋជាងពីរម៉ឺននាក់បានជម្លៀសខ្លួនមករកទីតាំងសុវត្ថិភាព ដើម្បីគេចពីគ្រាប់ផ្លោងរបស់ថៃ

ភ្នំពេញ៖នៅថ្ងៃទី២៦ខែកក្កដា ឆ្នាំ២០២៥នេះ ដែលជាថ្ងៃទី៣ នៃការឈ្លាន របស់ថៃ។ក្រុមការងារ Ams បានមកដល់ទី​សុវត្ថិភាពនៅវត្តបាត់ថ្កៅ ក្នុងស្រុកចុងកាល់ ខេត្តឧត្តរមានជ័យ។ នៅទីនេះមានប្រជាពលរដ្ឋភៀស ខ្លួនគេចផុតពីគ្រាប់​ផ្លោងរបស់ថៃចំនួនបីពាន់គ្រួសារស្មើនឹងជាង មួយម៉ឺននាក់។ ក្នុងនោះគឺភាគច្រើនយើងឃើញថា ស្ត្រីនិងកុមារ ដែលបាន​ជម្លៀស​ខ្លួនមករកទីទួលសុវត្តិភាពនៅទីនេះ។

ជនភៀសខ្លួនភាគច្រើន បានលើកឡើងអំពីផលលំបាក ដែលកើត ចេញពីការបាញ់ផ្លោងរបស់កងទ័ព​ថៃធ្លាក់មក​ក្នុង​ភូមិ​ឋានរបស់ពួកគាត់។ពួកគាត់ត្រូវបង្ខំចិត្តចាកចេញពីលំនៅដ្ឋានចោលស្រែចម្ការ ចោលសត្វ​ពាហណៈ មុនពេលដែលជា​ប្រភព​ចំណូលប្រចាំថ្ងៃរបស់​ពួកគាត់ ហើយកូនចៅគឺមិនបានរៀនទៀតទេ ។ដោយឡែកនៅក្នុងខេត្តនេះ គឺសាលារៀនទាំង​អស់បង្ខំបិទទ្វារ។

សូមបញ្ជាក់ថាក្នុងរយៈពេល បីថ្ងៃ ចាប់តាំងពីថ្ងៃទី២៤ខែកក្កដារហូត​មកដល់ថ្ងៃទី២៦ ខែកក្កដា នេះ ប្រជាពលរដ្ឋ​ដែលចាក​ចេញចោលលំនៅ​ឋានគេចពីគ្រាប់កំាភ្លើងរបស់ថៃ បានមកដល់ជំរំទីទួល​សុវត្ថិភាពដែលរៀបចំ​ដោយ​អាជ្ញាធរខេត្តចំនួនបីគឺទីមួយ នៅក្នុងស្រុកចុងកាល់ ,ទីពីរគឺនៅស្រុកបន្ទាយអំពិល និងទីបី​នៅស្រុកអន្លង់វែង​ខេត្តឧត្តរមានជ័យ។

សូមបញ្ជាក់ថា នៅថ្ងៃព្រឹកថ្ងៃទី២៦ ខែកក្កដា នេះសភាពការណ៍ស្ងប់ស្ងាត់នៅតាម​បណ្ដោយព្រំដែននៅក្នុង​ភូមិសាស្ត្រ​ខេត្តឧត្តរមានជ័យ និងខេត្តព្រះវិហារ។ តែប្រជាពលរដ្ឋក៏នៅតែបន្តចាកចេញពីមូលដ្ឋានមក​រស់នៅទីសុវត្ថិ​ភាពនេះបន្ថែមទៀតផងដែរ។ប្រជាពលរដ្ឋបានចេញពីមូលដ្ឋានដោយម៉ូតូ ដោយគោយន្ត និងដោយរ៉ឺម៉ក រថយន្តផងដែរ៕
ដោយ៖ក្រុមការងារAMS

ទាវ សារៈមុនី
ទាវ សារៈមុនី
ទាវ សារៈមុនី មានអាជីពក្នុងវិស័យសារព័ត៌មានជាច្រើនឆ្នាំ ។ជាមួយបទពិសោធន៍ និងការគោរពដោយខ្ជាប់ខ្ជួននូវក្រមសីលធម៌ វិជ្ជាជីវៈសារព័ត៌មាន លោកនឹងផ្តល់នូវព័ត៌មានទុកចិត្តបាន និងជាគុណប្រយោជន៍៕
ads banner
ads banner
ads banner