បាងកក ៖ នាយកដ្ឋានឧតុនិយមថៃបានចេញការព្រមានពីហានិភ័យដែលអាចកើតមាន បង្កឡើងពីរលកយក្សស៊ូណាមិ ក្នុងករណីគ្រោះរញ្ជួយដីដ៏ធំមួយវាយប្រហារនៅតាមខ្សែបន្ទាត់ម៉ានីល ឬ Manila Fault Line ក្នុងប្រទេសហ្វីលីពីន ដែលវានឹងប៉ះពាល់ដល់ឈូងសមុទ្រថៃ នេះបើតាមសារព័ត៌មាន The Nation ចុះផ្សាយនៅថ្ងៃទី២៦ ខែកក្កដា។

នាយកដ្ឋានឧតុនិយមថៃ ស្ថិតក្រោមក្រសួងសង្គមកិច្ច និងសេដ្ឋកិច្ចឌីជីថល កំពុងតាមដានស្ថានការវិវឌ្ឍន៍ថ្មីៗ ទាក់ទិននឹងហានិភ័យគ្រោះរញ្ជួយដីដ៏ធំដែលអាចកើតមាននៅតាមខ្សែបន្ទាត់ Fault Manila ក្នុងប្រទេសហ្វីលីពីន។

ក្នុងករណីកើតឡើង នោះវានឹងបណ្តាលឱ្យមានរលកយក្សស៊ូណាមិ ដែលអាចប៉ះពាល់ដល់ប្រទេសថៃ ជាពិសេសតំបន់ភាគខាងត្បូង និងភាគខាងកើត ជាពិសេសតំបន់នៅតាមឈូងសមុទ្រថៃ។ តំបន់ឆ្នេរថៃដែលអាចរងផលប៉ះពាល់ រួមមានឈុនបុរី សាមុតប្រាកាន ត្រាត និងរ៉ាយ៉ង៕

ប្រភព ៖ The Nation ប្រែសម្រួល ៖ ឈឹម ទីណា