បរទេស៖ យោងតាមផេកហ្វេសបុកផ្លូវការ របស់ប្រធានាធិបតី Donald Trump បានឲ្យដឹង នៅម៉ោងជាង១០ព្រឹក ថ្ងៃទី២៨ ខែកក្កដា ឆ្នាំ២០២៥ នេះ ថា មន្ត្រីអាមេរិក បានទៅដល់ប្រទេសម៉ាឡេស៊ីហើយ ដើម្បីត្រៀមសម្របសម្រួល ដោះស្រាយជម្លោះ កម្ពុជានិងថៃ។

យោងតាមទំព័រហ្វេសបុក Donald Trump For President បានរៀបរាប់ថា «រដ្ឋមន្ត្រីការបរទេស Marco Rubio មានប្រសាសន៍ថា មន្ត្រីរដ្ឋបាល Trump កំពុងនៅលើដី ​ម៉ាឡេស៊ី ដែលសម្របសម្រួលកិច្ចពិភាក្សាសន្តិភាព រវាងកម្ពុជា និងថៃ នៅពេលនេះ។ខណៈពេលដំណាលគ្នានឹងការចរចាកិច្ចព្រមព្រៀងពាណិជ្ជកម្ម សហភាពអឺរ៉ុប លោក Trump បាននិងកំពុងធ្វើការ ដើម្បីបញ្ចប់សង្គ្រាមនេះ ជាការងារដ៏អស្ចារ្យ»។

ផ្អែកតាមប្រភពដដែល លោក RUBIO អះអាងថា ទាំងលោកប្រធានាធិបតី Trump និង រូបលោក នៅតែភ្ជាប់ការទាក់ទង ជាមួយភាគីពាក់ព័ន្ធ ហើយកំពុងតាមដានស្ថានការណ៍ យ៉ាងដិតដល់។ «យើងចង់ឱ្យជម្លោះនេះបញ្ចប់ ឱ្យបានឆាប់ តាមដែលអាចធ្វើទៅបាន»៕

ប្រភពពី ផេក Donald Trump For President ប្រែសម្រួល៖ សារ៉ាត