អាក្រា ៖ រដ្ឋាភិបាលហ្គាណានិយាយថា រដ្ឋមន្ត្រីការពារជាតិ និងរដ្ឋមន្ត្រីបរិស្ថានហ្គាណាបានបាត់បង់ជីវិត បន្ទាប់ពីហេតុការណ៍ធ្លាក់ឧទ្ធម្ភាគចក្រយោធាមួយគ្រឿង នៅក្នុងថ្ងៃពុធទី៦ ខែសីហានេះ នៅក្នុងតំបន់ Ashanti ភាគខាងត្បូងប្រទេស រួមជាមួយមន្ត្រីបីនាក់ និងនាវិកទ័ពអាកាសបីនាក់ទៀតផងដែរ។

លោក Julius Debrah អ្នកនាំពាក្យប្រធានាធិបតីហ្គាណាបានប្រាប់សន្និសីទសារព័ត៌មានថា ហេតុការណ៍ធ្លាក់ឧទ្ធម្ភាគចក្រ ដែលរដ្ឋមន្ត្រីការពារជាតិហ្គាណា លោក Edward Omane Boamah និងរដ្ឋមន្ត្រីបរិស្ថាន វិទ្យាសាស្ត្រ និងបច្ចេកវិទ្យាហ្គាណា លោក Ibrahim Murtala Muhammed ត្រូវបានសម្លាប់ គឺជាសោកនាដកម្មថ្នាក់ជាតិ។ ទាក់ទិននឹងមូលហេតុធ្លាក់កំពុងស៊ើបអង្កេតនៅឡើយ៕

ប្រភព ៖ AFP ប្រែសម្រួល ៖ ឈឹម ទីណា