(ភ្នំពេញ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាក បាទក្រហមកម្ពុជា នៅថ្ងៃទី២១ ខែវិច្ឆិកា ឆ្នាំ២០២៥ បានចាត់ប្រតិភូកាកបាទក្រហមកម្ពុជា ដឹកនាំដោយ លោកជំទាវ ពុំ ចន្ទីនី អគ្គលេខាធិការ កាកបាទក្រហ មកម្ពុជា និងសហការី អញ្ជើញគោរព​វិញ្ញាណក្ខន្ធ ឯកឧត្តម នុត សាអាន ប្រធានគណៈកម្មាធិ​ការជាតិ​ប្រឆាំងទារុណកម្ម ដែលបានទទួលមរណភាព កាលពីថ្ងៃព្រហស្បតិ៍ ១៥រោច ខែកត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែវិច្ឆិកា ឆ្នាំ២០២៥ វេលាម៉ោង ១១:៣០នាទីថ្ងៃត្រង់ ក្នុងជន្មាយុ ៨៣ឆ្នាំ ដោយរោគាពាធ។

នៅក្នុងឱកាសដ៏សែនក្រៀមក្រំនេះ លោកជំទាវ ពុំ ចន្ទីនី បានចូលរួម​​សោក​ស្តាយ និងនាំយកនូវសារលិខិត​រំលែកទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះលោកជំទាវ ទិត្យ ខាំដារ៉ា នុត សាអាន និងក្រុមគ្រួសារនៃសព ដែលសារលិខិតរំលែកទុក្ខមានខ្លឹមសារថា « ក្នុងនាមខ្ញុំ​ផ្ទាល់ ព្រមទាំងសហការីទាំងអស់ នៃកាកបាទក្រហម​កម្ពុជា ខ្ញុំសូមចូលរួមរំលែកទុក្ខដ៏ក្រៀមក្រំបំផុត ជាមួយលោកជំទាវ ទិត្យ ខាំដារ៉ា និងក្រុមគ្រួសារទាំង​អស់ នៃសព ឯកឧត្តម នុត សាអាន ប្រធានគណៈ​កម្មាធិ​ការជាតិប្រឆាំងទារុណកម្ម ដែលបានទទួល​មរណភាព កាលពីថ្ងៃព្រហស្បតិ៍ ១៥រោច ខែកត្តិក ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែវិច្ឆិកា ឆ្នាំ២០២៥ វេលាម៉ោង១១:៣០នាទីថ្ងៃត្រង់ ក្នុងជន្មាយុ ៨៣ឆ្នាំ ដោយរោគាពាធ។

ស្ថិតក្នុងវេលាដ៏ក្រៀមក្រំនេះ សូមឧទ្ទិសបួងសួងដល់​ដួងវិញ្ញាណក្ខន្ធ ឯកឧត្តម នុត សាអាន សូមបានទៅ​កាន់​សុគតិភព កុំបីឃ្លៀងឃ្លាតឡើយ ៕

ដោយ / គ្រី សម្បត្តិ