កំពង់ឆ្នាំង៖កម្លាំងនគរបាលជំនាញខេត្តកំពង់ឆ្នាំងដឹកនាំដោយលោកវីរសេនីយ៍ត្រី ទឹម សំបូរ នាយការិយាល័យ​ចរាចរណ៍​ផ្លូវគោកថ្ងៃទី២២ ខែវិច្ឆិកា ឆ្នាំ២០២៥ បានប្រើប្រាស់កម្លាំងឈរជើងនៅចំណុចគោលដៅមួយចំនួននៃភូមិទី ១ សង្កាត់ខ្សាម ក្រុងកំពង់ឆ្នាំង ។

ក្នុងសកម្មភាពនេះកម្លាំងសមត្ថកិច្ចបន្តធ្វើការផ្សព្វផ្សាយអប់រំដល់អ្នកប្រើប្រាស់ផ្លូវ អ្នកជិះម៉ូតូអត់ពាក់​មួក​សុវត្ថិភាព ជិះបញ្ច្រាស់ទិស និងមិនគោរពផ្លាកសញ្ញាជាដើម។សមត្ថកិច្ចបានពន្យល់ប្រាប់អ្នកបើកបរ​ពីចំណុចសំខាន់ៗនៃ​ច្បាប់ស្តីពីចរាចរណ៍ផ្លូវគោក ដើម្បីអ្នកបើកបរបង្កើនការប្រុងប្រយ័ត្ន។

ឆ្លៀតក្នុងឱកាសនេះសមត្ថកិច្ចក៏បានផ្សព្វផ្សាយអំពីផលប៉ះពាល់​នៃគ្រឿង​ញៀន, បារីអេឡិចត្រូនិកផងដែរ៕
ដោយ៖ សុខ គឹមសៀន