ក្លិប Manchester United បានធ្វើការចរចាជាមួយ Paul Pogba ជុំវិញកុងត្រាថ្មី ដើម្បីបញ្ចៀសពីការចង់បានរបស់ក្លិបយក្សអេស្ប៉ាញ Real Madrid។
តារាសញ្ជាតិបារាំង ចង់បានថ្លៃឈ្នួលមួយសប្ដាហ៍ ៥សែនផោន ដើម្បីឲ្យរូបគេក្លាយជាកីឡាករមានប្រាក់ពលកម្មខ្ពស់បំផុត នៅក្លិបស្មើគ្នានឹង Alexis Sanchez។ Pogba និង Eden Hazard គឺកីឡាករសំខាន់ដែលលោក Zinedine Zidane ចង់បានសម្រាប់រដូវកាលក្រោយ។

គួររំលឹកថា កុងត្រាចាស់របស់ Pogba ដែលមានតម្លៃ៣សែនផោន ក្នុងមួយសប្ដាហ៍ នៅសល់២ឆ្នាំទៀត តែ Man United ចង់បន្ត៣ឆ្នាំបន្ថែមរហូត ដល់ឆ្នាំ២០២៤។ ខ្សែបម្រើវ័យ២៦ឆ្នាំរូបនេះ ស្ថិតក្នុងបញ្ជីកីឡាករ ដែលអ្នកចាត់ការ Ole Gunnar Solskjaer ចង់រក្សាទុកក្នុងរជ្ជកាលរបស់លោក៕ម.ន