Heung-Min Son បានក្លាយជាកីឡាករដំបូងបំផុត ដែលស៊ុតចូលទីឲ្យ Spurs នៅកីឡដ្ឋានថ្មី សម្រាប់ក្របខណ្ឌ Premier League ស្របពេលដែលក្លិប Tottenham Hotspur បានសម្ពោធកីឡដ្ឋានថ្មី តម្លៃ១ពាន់លានផោនរបស់ខ្លួន ជាមួយនឹងជ័យជម្នះ ២-០ លើ Crystal Palace នៅ Premier League ។

ក្រោយពីពន្យារពេលប្រើប្រាស់កីឡដ្ឋានថ្មីជាច្រើនខែក្រុមរហស្សនាមមាន់ខ្នាយមាស បានលេងប្រកួតដំបូងលើទឹកដីរបស់ខ្លួន ចំពោះមុខអ្នកគាំទ្រប្រមាណ៦ម៉ឺននាក់។ ខណៈខ្សែប្រយុទ្ធកូរ៉េខាងត្បូង Son Heung-Min និង Eriksen គឺជាអ្នករកគ្រាប់បញ្ចូលទីឲ្យម្ចាស់ផ្ទះ នៅនាទី៥៥ និង៨០។

សូមបញ្ជាក់ថា ក្រោយជ័យជម្នះនេះ Spurs បានឡើងទៅលេខ៣វិញ នៅលើ Arsenal ដែលឈរលេខ៤ ខណៈ Chelsea ឈរលេខ៥ហើយ Manchester United លេខ៦៕ធ.ដ