សហរដ្ឋអាម៉េរិក៖ ឧទ្ធម្ភាគចក្រមួយគ្រឿងបានហោះទៅបុកតំបន់ផ្ទះចល័តមួយកន្លែង ក្នុងតំបន់កណ្តាលនៃរដ្ឋផ្ល័ររីដា សហរដ្ឋអាម៉េរិក កាលពីពេលថ្មីៗនេះ បណ្តាលឲ្យស្លាប់មនុស្ស២នាក់ និងរបួសមនុស្សម្នាក់ទៀត។ ជនរងគ្រោះ ត្រូវបានគេបញ្ជូលទៅព្យាបាលនៅមន្ទីរពេទ្យ។ មន្ត្រីផ្លូវការមិនទាន់បញ្ជាក់ពីមូលហេតុនៃឧប្បត្តិហេតុនេះនៅឡើយទេ។ អ្នកស្លាប់ទាំងពីរនាក់ត្រូវបានរាយការណ៍ថា គឺជាមនុស្សនៅលើឧទ្ធម្ភាគចក្រ រីឯអ្នករបួស គឺជាអ្នកនៅទីតាំងនោះ។ ផ្ទះចល័តមួយត្រូវបានបំផ្លាញ ហើយមួយទៀតក៏ខូចខាតខ្លះដែរ ក្នុងហេតុការណ៍ដែលបានកើតឡើង កាលពីអង្គារសប្តាហ៍នេះ។  សូមបញ្ជាក់ថា តំបន់រងគ្រោះ Sebring នោះគឺជាសហគមន៍សម្រាប់ប្រជាជនប្រមាណ១ម៉ឺននាក់ ស្ថិតចំកណ្តាលរដ្ឋផ្ល័ររីដាតែម្តង៕ម.ន