កាលពីម្សិលមិញ អត្តពលិកវ័យក្មេងកម្ពុជា៣នាក់ លើ៣ប្រភេទកីឡា ដូចជាកីឡា វាយសី ចំបាប់ និងហែលទឹក បានចេញដំណើរទៅចូលរួមប្រកួតកីឡាអូឡាំពិកយុវជន ឆ្នាំ២០១៨ នៅប្រទេស អាហ្សង់ទីន។ លោក ញ៉ាន សុខវិសាល នាយបេសកកម្មកម្ពុជា ដែលដឹកនាំចូលរួមក្នុងព្រឹត្តិការណ៍យុវជនកម្រិតពិភព បានថ្លែងឲ្យដឹងនៅអាកាសយានដ្ឋានអន្តរជាតិភ្នំពេញ មុនពេលចេញដំណើរថា ការប្រកួតយុវជន អូឡាំពិក គឺខុសគ្នាខ្លះៗពីការប្រកួតអូឡាំពិក ដោយសារយុវជនអូឡាំពិក ត្រូវបានគេផ្ដោតសំខាន់លើការចូលរួម និងដកស្រង់បទពិសោធន៍ជាងការប្រកួតប្រជែងមេដាយ។