អតីតកីឡាករវាយកូនគោលលំដាប់លេខ១ពិភពលោក Tiger Woods បានឈ្នះពានលើកដំបូង ក្នុងរយៈពេល៥ឆ្នាំចុងក្រោយ បន្ទាប់ពីនាំមុខលើគូប្រជែងចំនួន២ឈើ ដើម្បីឈ្នះពាន Tour Championship ជាពានចុងក្រោយប្រចាំ របស់ PGA Tour កាលពីចុងសបា្តហ៍ កន្លងមក ក្រោយពីអវត្តមានអស់រយៈពេលជិត២ឆ្នាំ ។ Tiger Woods ធ្វើបានយ៉ាងល្អក្នុងព្រឹត្តិការណ៍នេះ ពិសេសនៅថ្ងៃចុងក្រោយដោយធ្វើបាន 11 under par 269 នៅលើ ទីវាយកូនគោល East Lake ទីក្រុង Atlanta សហរដ្ឋអាមេរិក ។ កីឡាករវ័យ៤២ឆ្នាំ ដែលជាម្ចាស់ជើងឯកពានរង្វាន់ធំចំនួន១៤សម័យកាលនោះ រកបាន៧១ពិន្ទុ ដើម្បីលើកពានក្របខ័ណ្ឌ PGA Tour លើកទី៨០ក្នុងអាជីព ។