មន្ត្រីនាំពាក្យក្រសួងមហាផ្ទៃបានថ្លែងនៅថ្ងៃនេះថា មានមនុស្ស៤នាក់ទៀត បានស្លាប់ដោយសារជំនន់​ទឹកភ្លៀង ដែលនាំឲ្យករណីស្លាប់ដោយសារលង់ទឹកបានកើនដល់ចំនួន៣០ នាក់ហើយក្នុងរយៈពេល៩ថ្ងៃ​ជាប់គ្នាកន្លងមក នេះ។ អ្នកនាំពាក្យក្រសួងមហាផ្ទៃនាយឧត្តមសេនីយ៍ ខៀវ សុភ័គ បានបញ្ជាក់ប្រាប់​បណ្តាញព័ត៌មានថាករណី បាត់បង់ជីវិតនេះ បានកើតឡើងកាលពីថ្ងៃទី១៨តុលា។ ក្នុងចំណោមអ្នកស្លាប់​៤នាក់ចុងក្រោយនោះ មាននៅខេត្តស្វាយរៀងម្នាក់, បាត់ដំបងម្នាក់, កណ្ដាលម្នាក់ និងខេត្ដបន្ទាយមាន​ជ័យម្នាក់។

កម្ពុជាគិតត្រឹម​ពីថ្ងៃទី១១តុលាដល់ ១៩តុលា ការស្លាប់ បានកើនឡើងចំនួន៣០ នាក់ហើយ ក្នុងនោះមាន​៥នាក់​បានស្លាប់​កាល​ពីថ្ងៃទី១១តុលា, ៧នាក់បានស្លាប់កាលពីថ្ងៃទី១២តុលា, ៣នាក់បានស្លាប់កាល​ពីថ្ងៃទី១៣តុលា ,២នាក់ចុងក្រោយនេះ​បានស្លាប់កាលពីថ្ងៃទី១៤តុលា, ២នាក់បានស្លាប់កាលពីថ្ងៃទី​១៥តុលា, ២នាក់បានស្លាប់កាលពីថ្ងៃទី​១៦តុលា, ៥នាក់បានស្លាប់កាលពីថ្ងៃទី​១៧តុលា, និង៤នាក់បាន​ស្លាប់​កាលពីថ្ងៃទី​១៨តុលា៕

។។។។