បោះឆ្នោតនៅមីយ៉ាន់ម៉ា បក្សលោកស្រី ស៊ូជី សង្ឃឹមច្រើននឹងឈ្នះ
អ្នកបោះឆ្នោតនៅក្រុងយុំាងហ្គូន ក្រុងដ៏ធំបំផុតក្នុងប្រទេសមីយ៉ាន់ម៉ាបានទៅបោះឆ្នោតក្នុងចំនួនដ៏ច្រើន កាលពីថ្ងៃអាទិត្យ ទី៨ វិច្ឆិកា ម្សលមិញ ជាការបោះឆ្នោតត្រូវបានរំពឹងថា គណបក្សរបស់លោកស្រី អ៊ួង សានស៊ូជី នឹងបន្តឈ្នះ ខណៈដែលបក្សប្រឆាំងសង្ឃឹមតិច បក្សលោកស្រីស៊ូជី សង្ឃឹមច្រើនព្រោះអ្នកបោះឆ្នោតចូលរួមបោះឆ្នោតដ៏ច្រើន ទោះប្រទេសកំពុងជួបបញ្ហាជនភៀសខ្លួនរូហ៊ីងយ៉ា និង បញ្ហាជំងឺកូវីដ១៩ផង។
គណបក្ស National League for Democracy របស់ទីប្រឹក្សារដ្ឋមីយ៉ាន់ម៉ារូបនេះគឺបក្សបានឈ្នះការបោះឆ្នោតភ្លូកទឹកភ្លូកដី កាលពីឆ្នាំ២០១៥ បញ្ចប់របបដឹកនាំបែបយោធាជាង៥០ឆ្នាំ ក្នុងប្រទេស។
ការបោះឆ្នោតស្ថិតក្រោមការគំរាមកំហែងពីការផ្ទុះជំងឺកូវីដ១៩ អ្នកបោះឆ្នោតបានពាក់ម៉ាស និងស្រោមដៃផង តម្រង់ជួរគ្នាបោះឆ្នោត ជាមួយនឹងការរក្សាគម្លាត នៅតាមមណ្ឌលបោះឆ្នោតទូទាំងប្រទេស។
មានគណបក្សច្រើនជាង៩០ គណបក្សបានចូលរួមប្រកួតប្រជែងដណ្តើមយកអសនៈ ក្នុងសភា ខណៈអ្នកមានសិទ្ធិបោះឆ្នោតមានច្រើនជាង៣៧លានាក់៕ ប្រភពពី AP
