រដ្ឋមន្ត្រីការបរទេសចិននឹងធ្វើទស្សនកិច្ចនៅកូរ៉េខាងត្បូងនិងជប៉ុន សប្តាហ៍ក្រោយ
រដ្ឋមន្ត្រីការបរទេសចិន លោក Wang Yi នឹងបំពេញទស្សនកិច្ចនៅប្រទេសកូរ៉េខាងត្បូងនិងជប៉ុន សប្តាហ៍ក្រោយនេះ នេះបើតាមការប្រទេសរបស់ភាគីកូរ៉េ និងជប៉ុន ចេញផ្សាយដោយសារព័ត៌មាន CNA នាថ្ងៃទៅ២០ វិច្ឆិកា ២០២០នេះ។
ក្រសួងការបរទេសកូរ៉េខាងត្បូងបានជូនដំណឹងថា លោករដ្ឋមន្ត្រីចិននឹងអញ្ជើញទៅដល់ក្រុងសេអ៊ូល នាថ្ងៃពុធ សប្តាហ៍ក្រោយ ដើម្បីបំពេញទស្សនកិច្ច៣ថ្ងៃ ហើយប្រធានបទសំខាន់លើកយកមកពិភាក្សា រវាងរដ្ឋមន្ត្រីការបរទេសទាំងពីរគឺបញ្ហាកូរ៉េខាងជើង និងជំងឺកូវីដ១៩។ ក្រៅពីនេះ ក៏នឹងមានគម្រោងជជែកពីដំណើរទស្សនកិច្ចរបស់ប្រធានរដ្ឋចិន ស៊ី ជីនភីង នៅកូរ៉េខាងត្បូង នាពេលខាងមុខដែរ។
ជាមួយគ្នាដែរ រដ្ឋមន្ត្រីការបរទេសជប៉ុន Toshimitsu Motegi បញ្ជាក់ដែរថា លោក Wang នឹងអញ្ជើញមកក្រុងតូក្យូ ដើម្បីពិភាក្សាគ្នាលើកិច្ចសហប្រតិបត្តិការស្រោចស្រង់សេដ្ឋកិច្ចក្រោយវិបត្តិកូវីដ១៩ និងប្រធានបទមួយចំនួនទៀតដែរ៕
