ភ្នំពេញ  ៖  បុរសម្នាក់សង្ស័យស្រវឹងសារ បើករថយន្តកាមរីហាយប្រីតមួយគ្រឿងជ្រុលទៅបុកខឿនសួនច្បារ ចែកទ្រូងផ្លូវពេញទំហឹងបណ្តាលឲ្យបែកគម្របលូរដែកនៅកណ្ដាលសួនផ្លូវ រីឯរថយន្តបង្កបែកម៉ាសុីនហូប្រេងទៅមុខលេងរួច។

ហេតុការណ៍នេះកើតឡើងកាលពីវេលាម៉ោង១២រំលងអាធ្រាត្រឈានចូលថ្ងៃទី ២២ ខែវិច្ឆិកាឆ្នាំ ២០២០ នៅចំណុចមុខការ៉ាសសាំងតូតាល់ តាមបណ្តោយផ្លូវណតព្រីត ក្នុងសង្កាត់អូរបឺកក្អម ខណ្ឌសែនសុខ រាជធានីភ្នំពេញ។

  យោងតាមប្រភពព័ត៌មានពីកន្លែងកើតហេតុបានឲ្យដឹងថា  មុនកើតហេតុគេឃើញបុរសម្នាក់សង្ស័យស្រវឹងស្រាខ្លាំង  បានបើករថយន្តកាមរីហាយប្រីតមួយគ្រឿងពណ៌ទឹកប្រាក់ពាក់ស្លាកលេខភ្នំពេញ2Q-4535ធ្វើដំណើរទិសដៅពីត្បូងទៅជើង លុះមកដល់ចំណុចកើតហេតុខាងលើបានរេចង្កូតមកខាងឆ្វេងដៃជ្រុលទៅបុកខឿនសួនចែកទ្រូងផ្លូវពេញទំហឹង បណ្ដាលឲ្យរបើកគម្របលូដែកនៅកណ្តាលសួនបណ្តាលឲ្យបែក ឯរថយន្តបង្កផ្ទប់ជាប់ខឿនសួនបែកម៉ាស៊ីនហូរប្រេងរងការខូចខាតយ៉ាងដំណំនិងទៅមុខលែងរួច។  បន្ទាប់មកសមត្ថកិច្ចមូលដ្ឋានបានចុះមកដល់ធ្វើការឃាត់ខ្លួនអ្នកបើកបរបានភ្លាមៗ។ 

ក្រោយកើតហេតុហតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរងចាំធ្វើការដោះស្រាយគ្នាទៅតាមផ្លូវច្បាប់៕ដោយ៖  ជីម  ភារ៉ា