ចាប់ពីឆ្នាំ២០៣០ អង់គ្លេសនឹងមិនអនុញ្ញាតអោយលក់រថយន្តប្រើប្រេងសាំង និងប្រេងឡើយ ក្នុងគោលបំណងទប់ស្កាត់បញ្ហាប្រែប្រួលអាកាសធាតុ
អង់គ្លេស៖ រដ្ឋាភិបាលអង់គ្លេស គិតចាប់ពីឆ្នាំ២០៣០ខាងមុខនេះតទៅ នឹងមិនអនុញ្ញាតអោយមានការលក់រថយន្ត ដែលប្រើប្រាស់សាំង និងប្រេងទៀតឡើយ ខណៈបំរាមថ្មីនេះ ដាក់ចេញស្ថិតក្នុងគោលបំណងចូលរួមទប់ស្កាត់បញ្ហាប្រែប្រួលអាកាសធាតុ នេះបើតាមសារព័ត៌មានរ៉យទ័រនាពេលថ្មីៗ ។
ទន្ទឹមគ្នា នាយករដ្ឋមន្រ្តីអង់គ្លេសលោក បូរីស ចនសុន បានហៅសេចក្ដីប្រកាស ក៏ដូចជាច្បាប់ថ្មីនេះថា ជាបដិវត្តឧស្សាហកម្មបៃតង-Green Idustrial Revolution» ដែលមានគោលដៅប្រឈមមុខទៅនឹងបញ្ហាបម្រែប្រមូលអាកាសធាតុ និង ដើម្បីបង្កើតឱកាសការងារកាន់តែច្រើនសម្រាប់ប្រជាពលរដ្ឋក្នុងស្រុក ។
នាយករដ្ឋមន្រ្តីអង់គ្លេសរូបនេះ រាល់ប្រភេទរថយន្តថ្មី មិនថារថយន្តជាប្រភេទបួនកៅអី និងរថយន្តដឹកអ្នកដំណើរនោះទេ អោយតែប្រើប្រាស់សាំង និងប្រេង គឺមិនអាចត្រូវបានអនុញ្ញាតអោយលក់ទៀតឡើយក្នុងប្រទេសអឺរ៉ុបមួយនេះ គិតចាប់ពីឆ្នាំ២០៣០ខាងមុខនេះតទៅ ប៉ុន្តែរថយន្តប្រភេទកូនកាត់ Hybrid មួយចំនួនអាចអនុញ្ញាតអោយលក់បានដូចធម្មតា ៕
