សិង្ហបុរីផ្តើមចាក់វ៉ាក់សាំងលើពលរដ្ឋខ្លួនហើយ ជាវ៉ាក់សាំងអាមេរិកនិងអាល្លឺម៉ង់
បុគ្គលិកសុខាភិបាលជាន់ខ្ពស់ លោកស្រី Sarah Lim បានក្លាយជាមនុស្សដំបូងក្នុងប្រទេសសិង្ហបុរីដែលត្រូវបានចាក់វ៉ាក់សាំងប្រឆាំងវីរុសកូវីដ១៩ នាថ្ងៃពុធ ទី៣០ ធ្នូ ២០២០នេះ ជាមួយនឹងបុគ្គលិកសុខាភិបាលមើលថែលអ្នកជំងឺជាង៣០នាក់ទៀតដែរ ហើយពួកគេទទួលវ៉ាក់សាំងអាមេរិក Pfizer និង ក្រុមហ៊ុនអាល្លឺម៉ង់ BioNTech នេះ នៅមជ្ឈមណ្ឌលជាតិបង្ការជំងឺឆ្លង។
វ៉ាក់សាំងនេះត្រូវឲ្យចាក់ចំនួន២ដូស ឬ ២ដង ក្នុងពេល២១ថ្ងៃ ដោយក្នុងនោះ បន្ទាប់ពីចាក់នៅថ្ងៃនេះ គឺនឹងត្រូវចាក់ម្តងទៀត នាថ្ងៃទី២០ មករា ឆ្នាំ២០២១។
វ៉ាក់សាំង Pfizer-BioNTech មិនតម្រូវឲ្យចាក់លើស្ត្រីមានផ្ទៃពោះទេ បច្ចុប្បន្ននេះ ហើយកុមារអាយុក្រោម១៦ឆ្នាំក៏មិនទាន់ឲ្យចាក់ដែរ។ វ៉ាក់សាំងទាំងនេះបានមកដល់សិង្ហបុរី កាលពីថ្ងៃទី២១ ធ្នូ ធ្វើឲ្យសង្ហបុរីបានក្លាយជាប្រទេសនៅអាស៊ីដំបូងគេ ទទួលវ៉ាក់សាំងអាមេរិកនិងអាល្លឺម៉ង់នេះ៕
