កូវីដ១៩៖ វៀតណាមប្រកាសពីការគ្មានករណីឆ្លងថ្មី លើកដំបូងតាំងពីផ្ទុះរលកទី៣មក
នៅថ្ងៃសុក្រទី៥ កុម្ភៈ ២០២១នេះ វៀតណាមបានប្រកាសថា ខ្លួនពុំមានករណីវិជ្ជមានកូវីដ១៩ ជាករណីថ្មីទេ ពោលគឺជាការគ្មានឆ្លងលើកដំបូង ចាប់តាំងពីផ្ទុះក្នុងសហគមន៍ជាថ្មី កាលពីពេលថ្មីៗនេះ។
សូមរម្លឹកថា កាលពីថ្ងៃទី២៨ មករា ២០២១ វៀតណាមបានផ្តើមផ្ទុះឆ្លងក្នុងសហគមន៍ជាថ្មី ក្រោយស្ងប់ស្ងាត់ជិត២ខែ ហើយក្រោយមក ក៏បន្តរកឃើញការឆ្លងជាបន្តបន្ទាប់ ក្នុងនោះ រលកទី៣របស់វៀតណាមនេះ មានឆ្លងក្នុងសហគមន៍ ៣៧៥នាក់ហើយ នៅក្នុងក្រុងនិងខេត្តចំនួន១០ រួមមានទាំងហាណូយ និងហូជីមិញដែរ។ យ៉ាងណាក៏ដោយ នៅថ្ងៃទី៥ កុម្ភៈនេះ គឺគ្មានករណីឆ្លងថ្មីទេ ប៉ុន្តែកាលពីរសៀលម្សិលមិញ មាន៩ករណីដែរ។
វៀតណាមមានករណីកូវីដ១៩សរុប១៩៥៧នាក់ ស្លាប់៣៥នាក់ ខណៈដែលមនុស្សជាង៦៥០០០នាក់កំពុងធ្វើចត្តាឡីស័ក គិតត្រឹមព្រឹកថ្ងៃសុក្រនេះ៕
