បរទេស៖ ក្រុមហ៊ុនផលិតរថយន្ត Kia ជិតឈានដល់ការចុះហត្ថលេខាជាមួយក្រុមហ៊ុន Appleហើយ ជុំវិញកិច្ចព្រមព្រៀងមានតម្លៃ៣.៦ពាន់លានដុល្លារ ដើម្បីបង្កើតសង្វាក់ផលិត កម្មផលិតរថយន្តអគ្គិសនីរបស់ Apple ខណៈកន្លងមក Apple បានប្រកាសជាផ្លូវការថា នឹងចាប់ផ្ដើមសង្វាក់ផលិតកម្មនៅឆ្នាំ២០២៤ នេះបើតាមសារព័ត៌មានរ៉យទ័រនាពេលថ្មីៗ ។

ក្រុមហ៊ុន Apple បានជ្រើសរើសយក Kia ដែលជាបុត្រសម្ព័ន្ធរបស់ក្រុមហ៊ុនផលិតរថយន្តដ៏ធំ Hyundai ព្រោះតែក្រុមហ៊ុននេះមានរោងចក្រផលិតរថយន្តស្រាប់ក្នុងរដ្ឋ Georgia សហរដ្ឋអាមេរិក ដែលផ្ដល់ភាពងាយស្រួលក្នុងការផលិត ដឹកជញ្ជូន និងសាកល្បង ។

ប្រភពបានអោយដឹងថា ក្រុមហ៊ុន Apple ត្រូវបានគេរាយការណ៍មកថា បានរៀបចំគម្រោងសម្រាប់ផលិតរថយន្តអគ្គិសនីរបស់ខ្លួនឱ្យបាន១០ម៉ឺនគ្រឿងក្នុងមួយឆ្នាំ និងពង្រីកបន្ថែមរហូតដល់៤០ម៉ឺនគ្រឿងនៅឆ្នាំបន្តបន្ទាប់ ៕ ប្រភព៖ Reuters