ថៃនឹងទទួលវ៉ាក់សាំងកូវីដ១៩ ចំនួន២លានម្ជុល ត្រឹមចុងខែមេសា
អត្ថបទដោយ៖
លន់ សារ៉ាត
ប្រទេសថៃនឹងទទួលវ៉ាក់សាំងបង្ការការពារជំងឺកូវីដ១៩ ចំនួន២លានដូស (ម្ជុល) នៅត្រឹមចុងខែមេសា ២០២១ ដោយចាប់ផ្តើមទទួលពី២០ម៉ឺនដូស ក្នុងខែកុម្ភៈនេះ នេះបើតាមលោកនាយករដ្ឋមន្ត្រីថៃ ប្រាយុទ្ធ ចាន់អូចា បញ្ជាក់នាថ្ងៃទី៩ កុម្ភៈ នេះ ចេញផ្សាយដោយសារព័ត៌មានបាងកកប៉ុស្តិ៍។
មានប្រសាសន៍ទៅកាន់ក្រុមអ្នកយកព័ត៌មាន ក្រោយបញ្ចប់កិច្ចប្រជុំគណៈរដ្ឋមន្ត្រី លោកប្រាយុទ្ធនិយាយថា វ៉ាក់សាំង២០ម៉ឺនដូស ដំបូងនឹងមកដល់ចុងខែកុម្ភៈនេះ ហើយ៨០ម៉ឺនដូសទៀត នឹងមកដល់នាខែក្រោយ។ រីឯ១លានដូសទៀតនឹងមកដល់នៅខែមេសា ប៉ុន្តែលោកនាយករដ្ឋមន្ត្រីមិនបញ្ជាក់ពីប្រភពវ៉ាក់សាំងពីខាងណាទេ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
