AstraZeneca៖ គ្មានភស្តុតាងបញ្ជាក់ថា វ៉ាក់សាំងខ្លួនមានហានិភ័យកំណកសសៃឈាមទេ
ក្រុមហ៊ុន AstraZeneca បានអះអាងថា ពុំមានភស្តុតាងណាមួយបញ្ជាក់ថា មនុស្សដែលបានចាក់វ៉ាក់សាំងបង្ការជំងឺកូវីដ១៩ដែលខ្លួនផលិតរួចហើយមានហានិភ័យនៃកំណកសសៃឈាម នេះគឺជារបាយការណ៍ដែលក្រុមហ៊ុនបានបញ្ចេញ កាលពីថ្ងៃអាទិត្យ ទី១៤ មីនា ២០២១ម្សិលមិញ។ របាយការណ៍ក៏បញ្ជាក់ថា ពុំមានភស្តុតាងណាមួយដែលថា វ៉ាក់សាំងរបស់ខ្លួនមានហានិភ័យតាមអាយុកាល របស់មនុស្ស ភេទរបស់មនុស្ស ឬក្នុងប្រទេសណាមួយទេ។
ជាការចេញរបាយការណ៍ក្រោយពេល អាជ្ញាធរអៀកឡើង ដាណឺម៉ាក ន័រវេស ហូឡង់ និងបណ្តាប្រទេសមួយចំនួនទៀតបានផ្អាកការចាក់វ៉ាក់សាំង AstraZeneca លើពលរដ្ឋ ក្រោយរកឃើញថា មានកំណកឈាមលើសសៃឈាម ក្នុងនោះ អូទ្រីស បានបញ្ឈប់ការចាក់កាលពីសប្តាហ៍មុន ក្រោយមានការស្លាប់ ទាក់ទងនឹងការចាក់វ៉ាក់សាំង។
របាយការណ៍បានពិនិត្យឡើងវិញ ចំពោះករណីមនុស្សច្រើនជាង១៧លាននាក់ដែលបានចាក់វ៉ាក់សាំងនេះ ក្នុងនោះ រួមមាននៅអឺរ៉ុប និងនៅអង់គ្លេស៕ ប្រភពពី CNA
