ជនសង្ស័យបំផ្ទុះគ្រាប់បែកអត្តឃាតពីរនាក់បើកការវាយប្រហារលើព្រះវិហារកាតូលិកមួយនៅឥណ្ឌូណេស៊ី បណ្តាលអោយមនុស្ស១៤នាក់រងរបួស
ឥណ្ឌូណេស៊ី៖ ប៉ូលីស និងសាក្សីបាននិយាយថា អ្នកបំផ្ទុះគ្រាប់បែកអត្តឃាតពីរ នាក់បានបំផ្ទុះគ្រាប់បែកនៅខាងក្រៅព្រះវិហារកាតូលិកមួយ ក្នុងទីក្រុងMakassar ហើយជាលទ្ធផលនោះ បណ្តាលអោយមនុស្ស១៤នាក់ទទួលរងរបួស ។
អ្នកនាំពាក្យអគ្គស្នងការនគរបាលជាតិ លោកឧត្តមសេនីយ៍ Argo Yuwono បាននិយាយនៅក្នុងសន្និសីទកាសែតមួយនៅទីក្រុងហ្សាកាតាថា ជនរងគ្រោះបានរងរបួសនៅត្រង់ក ទ្រូង និងជើង ហើយលោកមិនអាចបញ្ជាក់ពីចំនួនអ្នកស្លាប់បានទេនៅពេលនេះ ។ អ្នកនាំពាក្យប៉ូលីសតំបន់ South Sulawesi លោក Merdisyam បានប្រាប់សារព័ត៌មានរ៉យទ័រថា ក្រុមជំនុំកំពុងស្ថិតនៅក្នុងព្រះវិហារដើម្បីប្រារព្ធធ្វើបុណ្យអេសធើរ នៅពេលមានហេតុការណ៍ផ្ទុះកើតឡើង ។
ប៉ូលីសបាននិយាយថា សមាជិកបុគ្គលិកព្រះវិហារ ៥ នាក់ និងអ្នកថ្វាយបង្គំ ៤ នាក់ស្ថិត ក្នុងចំណោមអ្នករង របួស ហើយដោយសារតែការរឹតត្បិតទប់ស្កាត់ការឆ្លងមេរោគ នោះមានមនុស្សតិចតួចប៉ុណ្ណោះដែលចូលរួមក្នុងពិធីនេះ៕ ប្រភព៖ Reuters
