តាកែវនៅព្រឹកថ្ងៃទី០៧ ខែមេសា ឆ្នាំ២០២១ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានអញ្ជើញបើកកិច្ចប្រជុំផ្សព្វផ្សាយសារាចរណែនាំរបស់រាជរដ្ឋាភិបាលកម្ពុជា បិទការធ្វើដំណើរឆ្លងកាត់ ចេញ-ចូល ពីខេត្តមួយ ទៅខេត្តមួយ ជាបណ្តោះអាសន្នរយៈពេល ១៤ថ្ងៃ ចាប់ពីម៉ោងសូន្យនៃថ្ងៃទី៧ ខែមេសា ឆ្នាំ២០២១ រហូតដល់ថ្ងៃទី២០ ខែមេសា ឆ្នាំ២០២១ និងបិទរមណីយដ្ឋានទេសចរណ៍ ទូទាំងប្រទេសជាបណ្ដោះអាសន្ន ព្រមទាំងដាក់ចេញនូវវិធានការមួយចំនួន ដើម្បីចូលរួមប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ ដែលកិច្ចប្រជុំនេះ ក៏បានការអញ្ជើញចូលរួម លោក លោកស្រី អភិបាលរងខេត្ត លោកអភិបាលក្រុងស្រុកទាំង១០ និងកងកម្លាំងទាំងបីប្រភេទ ៕ដោយ -រ៉ាវុធ