អាមេរិក៖ អាជ្ញាធរអាមេរិកក្នុងតំបន់បានអោយដឹងថា ខ្មាន់កំាភ្លើងម្នាក់បានបាញ់សម្លាប់មិត្តរួមការងាររបស់ខ្លួនចំនួន៨នាក់ ហើយបាញ់សម្លាប់ខ្លួនឯងតាមក្រោយនៅថ្ងៃពុធម្សិលមិញ នៅឯកន្លែងជួសជុល និងចតរថភ្លើងមួយកន្លែងក្នុងទីក្រុងសាន់ ហូសេ រដ្ឋកាលីហ្វ័រញ៉ា ។

ការ​បាញ់​ប្រហារខាងលើនេះ ​បាន​កើត​មាន​ឡើងនៅ​ម៉ោង​៦៖៣០​នាទី​ព្រឹកថ្ងៃ​ពុធម្សិលមិញ នៅ​អគារ​ពីរ​កន្លែង​ដែល​ជា​ផ្នែក​​នៃ​​​ភ្លើង​​រថភ្លើង​​​របស់​អាជ្ញាធរ​ដឹក​ជញ្ជូន Valley ដែល​ផ្តល់​សេវាកម្ម​រថយន្ត​ក្រុង រថភ្លើង​​ និង​សេវាកម្ម​ដឹកជញ្ជូន​ផ្សេង​ៗ​ទៀត​​ឆ្លង​កាត់តំបន់ Santa Clara ។ ភ្លាមៗមន្រ្តីប៉ូលិសអាមេរិកមិនទាន់អាចបញ្ជាក់ពីមូលហេតុ ឬចេតនានៅពីក្រោយការបាញ់ប្រហារខាងលើនេះទេ ។

ខ្មាន់កាំភ្លើងខាងលើត្រូវបានគេស្គាល់ឈ្មោះថា សាំម្ញូអែល ខាសស៊ីឌី (Samuel Cassidy) មានអាយុ៥៧ឆ្នាំ និងជាបុគ្គលិកថែទាំរថភ្លើងនៅឯស្ថានីយ Santa Clara Valley Transportation Authority (VTA)។ ជាមួយគ្នានេះ នៅ​សេតវិមាន លោក​ប្រធានាធិបតី​អាមេរិក ចូ បៃដិន បាន​បញ្ជា​អោយ​បង្ហូតទង់​ជាតិត្រឹម​ពាក់​កណ្តាល​ដង​ និង​ជំរុញអោយ​សភា​ចាត់​វិធានការ​លើ​ច្បាប់​គ្រប់​គ្រង​ហិង្សា​ដោយ​អាវុធ ៕ ប្រភព៖ AP