អ្នកដែលបានចេញចូលនៅហាង ពន្លក ៩៩ ក្នុងសង្កាត់ស្រះចក ត្រូវប្រញាប់ធ្វើចត្តាឡីស័ក និងតាមដានសុខភាព។ ទីតាំងហាងពន្លក៩៩លក់គ្រឿងតុបតែងឡាន មានទីតាំងស្ថិតនៅផ្លូវព្រះមុនីវង្ស, សង្កាត់ស្រះចក នៃ ខណ្ឌដូនពេញ។

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២៨ឧសភាឆ្នាំ២០២១ បានជូនដំណឹងថា មាន អ្នកជំងឺកូវីដ-១៩ គឺជាបុគ្គលិកធ្វើការនៅទីនោះ ចាប់ពីថ្ងៃទី១៧ ដល់ថ្ងៃទី២៤ ឧសភា ឆ្នាំ២០២១។ បុគ្គលិកវិជ្ជមានកូវីដ-១៩នោះ ត្រូវគេរាយការណ៍ដែរថា ក៏ធ្លាប់បានចល័តទៅធ្វើនៅកន្លែងលក់ ផ្សេងទៀត នៅក្បែរទីតាំងនោះផងដែរ។ 

អនុគណៈកម្មការស្រាវជ្រាវជំងឺកូវីដ-១៩  បានអំពាវនាវដល់ប្រជាពលរដ្ឋ ដែល ធ្លាប់ បានទៅទីកន្លែង និងពេលវេលានោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាព របស់ ខ្លួនរយៈពេល ១៤ ថ្ងៃ ចាប់ពីថ្ងៃដែលបានប៉ះពាល់ ឬបានទៅទីកន្លែងមានហានិភ័យនោះ។