អ្នកសង្ស័យឆ្លងកូវីដ១៩ម្នាក់ទៀត កំពុងរត់គេចខ្លួនក្នុងពេលអាជ្ញាធរតម្រូវឲ្យទៅយកសំណាក នៅវិទ្យាល័យ បាក់ទូក។ បុរសឈ្មោះ យ៉ន យោគ ដែលបានរស់នៅក្នុងបន្ទប់ជាមួយនឹងអ្នក ឆ្លងកូវីដ១៩ ត្រូវបានគេតម្រូវឲ្យ ទៅយកសំណាកកាលពីថ្ងៃទី២៨ឧសភា។

យោងតាមសេចក្តីជូនដំណឹងរបស់អនុគណៈកម្មការស្រាវជ្រាវជំងឺ កូវីដ-១៩ថ្ងៃទី៣១ឧសភានេះ បុរសដែលឆ្លងកូវីដ១៩នោះ នៅមិនទាន់បានចូលខ្លួនក្នុងការធ្វើតេស្តយកសំណាក ឡើយ។ អនុគណៈកម្មការ បានអំពាវនាវឲ្យបុគ្គលរួបនោះ ត្រូវចូលខ្លួនមកធ្វើតេស្ដ ហើយទទួលការព្យាបាល និង កុំចម្លងដល់អ្នកដទៃ។

យោងតាមច្បាប់ ករណីរត់គេចវេសពីការព្យាបាលនេះ ត្រូវប្រឈមនឹងការផ្តន្ទាទោស ដាក់ពន្ធាគារពី១ឆ្នាំ ទៅ ៥ឆ្នាំ និងពិន័យជាប្រាក់ពី ៥លានរៀល ទៅ ២០លានរៀល។ បើការគេចវេសនោះ បាន បង្កការចម្លងដល់អ្នកដទៃថែមទៀតនោះ បុគ្គល នោះ នឹងត្រូវ ផ្តន្ទាទោសដាក់ពន្ធនាគារពី៥ឆ្នាំ ទៅ១០ឆ្នាំ។