នៅក្នុងសេចក្ដីថ្លែងការណ៍របស់ប្រធានាធិបតីអាមេរិកលោក ចូ បៃដិន កាលពីថ្ងៃពុធ ទី២ មិថុនានេះ លោកបានសម្ដែងការអបអរសាទរដល់លោក Isaac Herzog ដែលត្រូវបានជ្រើសតាំងជាប្រធានាធិបតីអ៊ីស្រាអែលថ្មី។ នេះបើតាមការចេញផ្សាយរបស់សារព័ត៌មាន The Times of Israel នាថ្ងៃទី៣ មិថុនានេះ។

លោក បៃដិន នឹងរង់ចាំស្វាគមន៍ទស្សនកិច្ចរបស់លោក Issac Herzog មកកាន់សេតវិមានរបស់ខ្លួនឆាប់ៗនេះ ហើយលោកជឿជាក់ថា ក្រោមការដឹកនាំរបស់លោក Issac Herzog អាមេរិក និងអ៊ីស្រាអែលនឹងបន្តពង្រឹងសម្ព័ន្ធភាពឱ្យកាន់តែស៊ីជម្រៅថែមទៀត។

ប្រភព៖ The Times of Israel