លោកប្រធានាធិបតី ស៊ី ដាស់តឿនប្រឆាំងនឹងការមាគងាយដោយបរទេស ពេលចិនកំពុងប្រារព្ធខួបបង្កើតបក្សលើកទី ១០០
ប្រធានាធិបតីចិន លោក ស៊ី ជីនពីង កាលពីថ្ងៃព្រហស្បតិ៍បានសាទរចំពោះ «ពិភពលោកថ្មី» មួយដែលត្រូវបានបង្កើតឡើងដោយប្រជាជន របស់ប្រទេសនេះនៅពេលដែល គណបក្ស កុម្មុយនិស្តចិនបាន កត់សម្គាល់នូវការបង្កើតគ្រឹះរបស់ខ្លួន ហើយបានព្រមានកងកម្លាំងបរទេសនានា។
នៅក្នុងសុន្ទរកថា តាមទូរទស្សន៍ដែលមានរយៈពេលមួយម៉ោង ពីទីលានធានអានមេន បន្ទាប់ពីការមើលយន្តហោះប្រយុទ្ធតម្រៀបគ្នាបង្កើតជាទម្រង់រូបរាងលេខ « ១០០ » លោកស៊ីបានសន្យាកសាងយោធាចិន ដោយប្តេជ្ញាបង្រួបបង្រួមតៃវ៉ាន់ និងបានសង្កត់ធ្ងន់លើស្វ័យភាពដែលកាន់កាប់ដោយហុងកុងនិងម៉ាកាវ។
លោកស៊ី ដែលជាមេដឹកនាំដ៏មានឥទ្ធិពលបំផុតរបស់ប្រទេសចិនចាប់តាំង ពីលោក ម៉ៅ សេទុង និយាយថា ប្រជាជនចិនមិនត្រឹមតែពូកែកែប្រែពិភពលោកដ៏ចាស់ប៉ុណ្ណោះ ទេពួកគេថែមទាំងបានបង្កើតពិភពលោកថ្មីផងដែរ ហើយលោកបន្ថែមថាមានតែ សង្គមនិយម ទេដែលអាចជួយសង្គ្រោះប្រទេសចិនបាន។
ប៉ុន្តែទីក្រុងប៉េកាំងកំពុងប្រឈមមុខនឹងការរិះគន់ពីខាងក្រៅចំពោះវិធានការណ៍របស់ខ្លួននៅក្នុងទីក្រុងហុងកុងនិងការប្រព្រឹត្តលើជនជាតិភាគតិចនៅស៊ីនជាំងហើយប្រឆាំងនឹងទស្សនវិស័យប្រជាសាស្ត្រដែលកាន់តែអាក្រក់ទៅៗ ហើយធ្វើឱ្យមានកំណើនសេដ្ឋកិច្ចមានរយៈពេលវែង។
លោកស៊ី បាននិយាយថា ប្រជាជនចិននឹងមិនអនុញ្ញាតឱ្យកម្លាំងបរទេសណាមួយធ្វើបាបគាបសង្កត់ឬបង្ក្រាបពួកគេឡើយ។
ក្នុងឧកាសប្រារព្ធខួប១០០ឆ្នាំនៃគណបក្សកុំមុយនីសចិន នៅថ្ងៃព្រហស្បតិ៍នេះ បានចាប់ផ្តើមដោយការហោះហើររបស់យន្តហោះចម្បាំងនិងឧទ្ធម្ភាគចក្រដែលត្រូវបានគេសង្កេតឃើញមានការចូលរូមដោយមេដឹកនាំប្រទេសនេះ គឺ លោកស៊ី អង្គុយនៅខាងត្បូងនៃវិមានដែលមានសន្តិសុខអម។
លោកស៊ី បាននិយាយនៅក្នុងសុន្ទរកថា របស់លោកថា ប្រទេសចិននឹងបង្កើនយោធារបស់ខ្លួនដើម្បីការពារអធិបតេយ្យភាព សន្តិសុខ និងការអភិវឌ្ឍរបស់ខ្លួន ដោយលើកកំពស់ឲ្យស្មើទៅនឹងស្តង់ដារពិភពលោក។ លោកស៊ី ដែលជាប្រធានគណៈកម្មាធិការ យោធាមជ្ឈិមគ្រប់គ្រងកងកម្លាំងប្រដាប់អាវុធ បានមានប្រសាសន៍ថា ៖«យើងត្រូវតែពន្លឿន ការធ្វើទំនើបកម្ម នៃវិស័យ ការពារជាតិនិងកងកម្លាំងប្រដាប់អាវុធ» ។
