យោងតាមរដ្ឋបាលខេត្តការឆ្លងថ្មីទាំង៦០នាក់នោះ រួមមាន៤១នាក់ជាកម្មករ កម្មការិនីនៅតាមរោងចក្រនានា, ៥នាក់ជាអ្នកប៉ះពាល់នឹងអ្នកជំងឺកូវីដ១៩, ក្រៅពីនោះមាននៅស្រុកក្រុងមួយចំនួនទៀត ប្រមាណ១២នាក់និង២នាក់ទៀតជាអ្នកដំណើរ ចូលពីរាជធានីភ្នំពេញ។ នៅថ្ងៃទី៧កក្កដា ខេត្តស្វាយរៀង មានអ្នកជំងឺកូវីដ១៩ចំនួន៨៣នាក់ បានជាសះស្បើយ និងមានអ្នកស្លាប់បន្ថែមចំនួន២នាក់ ដោយសារជំងឺកូវីដ១៩។

អ្នកស្លាប់ទាំង២នាក់នោះ ទី១ ជាបុរសអាយុ៥២ឆ្នាំ នៅភូមិថ្នល់កែង សង្កាត់បាទី ក្រុងបាវិត និង ទី២ ស្ត្រីអាយុ៦០ឆ្នាំ នៅភូមិបុសផ្លាំង ឃុំបុសមន ស្រុករំដួល ខេត្តស្វាយរៀង។ ខេត្តស្វាយរៀងរហូតដល់បច្ចុប្បន្ន មានអ្នកឆ្លងជំងឺកូវីដ-១៩សរុបចំនួន៣ពាន់១៣០នាក់, ព្យាបាលជាសះស្បើយចំនួន១ពាន់៩០១នាក់ និងមានអ្នកស្លាប់សារុបចំនួន៣៩នាក់។