យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាអ្នកស្រុកជីក្រែង៥នាក់, ក្រុងសៀមរាប៥០នាក់, ស្រុកប្រាសាទបាគង៣នាក់, ស្រុកសូទ្រនិគម៣នាក់, ស្រុកពួក៤នាក់ និងពលករមកពីប្រទេសថៃចំនួន៧នាក់។ នៅថ្ងៃទី៨កក្កដាឆ្នាំ២០២១ ខេត្តសៀមរាបមានអ្នកជំងឺកូវីដ១៩ចំនួន២០នាក់ បានជាសះស្បើយ និងស្លាប់២នាក់ផងដែរ។

អ្នកស្លាប់ទាំង២នាក់នោះ គឺទី១បុរសអាយុ៧៧ឆ្នាំ អាសយដ្ឋានភូមិចុងកៅស៊ូ សង្កាត់ស្លក្រាម ក្រុងសៀមរាប និងទី២ស្ត្រី អាយុ៦២ឆ្នាំ អាសយដ្ឋានភូមិត្នោតកំបុត ឃុំកំពង់ភ្លុក ស្រុកប្រាសាទបាគង ខេត្តសៀមរាប។ ខេត្តសៀមរាប គិតមកដល់បច្ចុប្បន្នមាន អ្នកឆ្លងជំងឺកូវីដ-១៩សរុបចំនួន២ពាន់៤៤នាក់, ព្យាបាលជាសះស្បើយចំនួន៧០៧នាក់និងស្លាប់២១នាក់។