រឿងចម្រូងចម្រាសមួយនៃការចោទប្រកាន់រវាងព្រះសង្ឃនិងស្ត្រីមេម៉ាយមួយរូបនៅក្នុងខេត្តកែប បាននាំឲ្យ ពុទ្ធបរិស័ទចំណុះជើងវត្ត, អាចារ្យនិងគណកម្មការវត្តប្រតិកម្មប្រឆាំង។

ព្រះចៅ អធិការវត្តភ្នំលាវព្រះនាមម៉ៅ សឺយ ព្រះជន្ម៣៣ព្រះវស្សា ដែលជាព្រះអនុគណស្រុកដំណាក់ចង្អើរខេត្តកែប បានរងនឹងការចោទប្រកាន់ពីស្ត្រី ឈ្មោះ ម៉ី  រស់នៅភូមិភ្នំ លាវ, ឃុំពងទឹក នៃស្រុកដំណាក់ចង្អើរពីបទមានស្នេហាលួចលាក់ស៊ីជម្រៅរយៈ ពេល ៤ឆ្នាំមក ហើយ។

ការចោទប្រកាន់នោះ ត្រូវព្រះចៅអធិការវត្តនិងបរិស័ទចំណុះជើងវត្តទាមទារ ការបង្ហាញភស្ថុ តាងដើម្បី បញ្ជាក់ការពិត។ ច្រើនថ្ងៃមកនេះ ការមិនទាន់បញ្ជាក់ការពិតជុំវិញការចោទប្រកាន់ទាំងនោះ បាននាំ ឲ្យអ្នកភូមិ, តាអាចារ្យ និងគណៈកម្មការវត្តសម្តែងប្រតិកម្មខឹងសម្បារជាខ្លាំង។