ចិនដុតដៃដុតជើង ទប់ស្កាត់ការផ្ទុះឡើងនូវវ៉ារ៉្យង់ឌែលតាក្នុងស្រុក
ខេត្តនានានៅទូទាំងប្រទេសចិន បានដាក់កំហិតតឹងរ៉ឹងជាងមុនក្នុងកិច្ចប្រឹងប្រែង ទប់ស្កាត់ការផ្ទុះឡើងនៃនៃការរីករាលដាលនៃវ៉ារ៉្យង់ឌែលតាមដ៏អាក្រក់បំផុតអស់រយៈពេលជាច្រើនខែ ដោយមន្រ្តីសុខាភិបាលបានចាត់ទុក ការរីករាលដាលវ៉ារ្យ៉ង់ឌែលតាលើកនេះ ថាជាការីករាលដាលខ្លាំងបំផុត។ នេះបើយោងតាមសារព័ត៌មានរ៉យទ័រ ។
អាជ្ញាធរ បានរកឃើញករណីវិជ្ជមាន ៣២៨ ករណី កាលពីខែ កក្កដា ដែលមានចំនួនស្ទើរតែស្មើនឹងចំនួនករណីក្នុងស្រុកសរុបចាប់ពីខែ កុម្ភៈ ដល់ខែ មិថុនា។
លោក Mi Feng អ្នកនាំពាក្យគណៈកម្មការសុខភាពជាតិ (NHC) និយាយនៅក្នុងសន្និសីទសារព័ត៌មានមួយ កាលពីថ្ងៃ សៅរ៍ ថា៖ «បញ្ហាប្រឈមធំបំផុតយើងកំពុងជួបនាពេលបច្ចុប្បន្ននេះ គឺការរីករាលដាលនៃវ៉ារ៉្យង់ឌែលតា ដែលបង្កជាហានិភ័យកាន់តែខ្លាំងដល់ការបង្ការ និងគ្រប់គ្រងការរីករាលកន្លងមក»។
កន្លងមក អង្គការសុខភាពពិភពលោក (WHO) បានឱ្យដឹងថា ក្នុងរយៈពេល ៤ សប្តាហ៍ចុងក្រោយនេះ គេបានរកឃើញថា ការរីករាលដាលកើនករណីកូវីដកើនឡើងជាមធ្យម ៨០ ភាគរយ គ្របដណ្ដប់តំបន់ចំនួន ៥ ក្នុងចំណោមតំបន់ចំនួន ៦ ដែលភាគច្រើនបង្កដោយវ៉ារ្យ៉ង់ឌែលតា។ វ៉ារ៉្យង់ដ័កាចសាហាវនេះ ត្រូវបានរកឃើញដំបូងគេនៅក្នុងប្រទេសឥណ្ឌា ហើយបច្ចុប្បន្នបានរីករាលដាលដល់ប្រទេស និងតំបន់ចំនួន ១៣២ ហើយទូទាំងពិភពលោក។
យ៉ាងណាមិញ ការរីករាលដាលនៃវ៉ារ៉្យង់ឌែលតានេះ បានឆ្លងជាង ២៦០ នៅទូទាំងប្រទេស កើតឡើងចេញពីចង្កោមនៅទីក្រុងណានជីង ក្នុងខេត្តជាំងស៊ូភាគខាងកើត ក្រោយរកឃើញអ្នកបោសសំអាតកាប៊ីន ៩ នាក់នៅអាកាសយានដ្ឋានអន្តរជាតិ មានវិជ្ជមានកូវីដ- ១៩ កាលពីថ្ងៃទី ២០ ខែកក្កដា។ រដ្ឋាភិបាលក៏បានបិទខ្ទប់ខេត្តនេះរួចហើយ និងបានធ្វើតេស្តលើប្រជាជនចំនួន ៩,២ លាននាក់ពីរដងផងដែរ។
មន្រ្តីគណកម្មការ NHC លោក He Qinghua ប្រាប់អ្នកយកព័ត៌មាននៅឯសន្និសីទកាសែតថា ការឆ្លងរាលដាលនៃវ៉ារ៉្យង់នេះ បណ្ដាលមកពីរដូវទេសចរណ៍ និងលំហូរអ្នកដំណើរខ្ពស់នៅអាកាសយានដ្ឋាន ដែលបង្កឱ្យមានការរីករាលដាលយ៉ាងឆាប់រហ័សនៃការផ្ទុះឡើងនេះ។
ប្រភព៖ Reuters
