ភ្នំពេញ ៖ បុរសម្នាក់មានកាំភ្លើងនិងអាយឌីសៀត នៅនិងចង្កេះមកអន្តរាគមន៏ឡូឡាដាក់សមត្ថកិច្ច បន្ទាប់ពីមានម៉ូតូចំនួន៣គ្រឿងបានជិះបុកតកន្ទុយគ្នាបណ្តាលឱ្យរងរបួសរលាត់ដៃជេីង
ហេតុការណ៏នេះបានកេីតឡេីងកាលពីវេលា ម៉ោង៨និង២០នាទីយប់ ថ្ងៃអាទិត្យ ទី៨ ខែសីហា ឆ្នាំ២០២១ នៅចំណុចមុខស្រាបៀអង្គរ តាមបណ្តោយមហាវិថីសហព័ន្ធរុស្ស៊ី ក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។

 យោងតាមប្រភពពីកន្លែងកេីតហេតុបានឱ្យដឹងថា  មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកPCX ពណ៌ខ្មៅ  ពាក់ស្លាកលេខ ភ្នំពេញ1HK.2301  ដឹកប្រពន្ធធ្វេីដំណេីរ តាមបណ្តោយមហាវិថីសហព័ន្ធរុស្ស៊ី  ក្នុងទិសដៅពីលិចទៅកេីត ខណៈមកដល់ចំណុចកេីតហេតុ ស្រាប់តែមានបុរសម្នាក់ជិះម៉ូតូវ៉េវ  ពណ៌ខ្មៅ  ពាក់ស្លាកលេខភ្នំពេញ1L.1256 ធ្វេីដំណេីរមក ពីក្រោយនិងបុកពេញទំហឹងហឹងបណ្តាលឱ្យដួលទៅនឹងថ្នល់ភ្លាមនោះក៏មានយុវជនម្នាក់ដែលជាកូនរបស់បុរសជិះម៉ូតូPCX  បានជិះម៉ូតូម៉ាកnex  ពណ៌ក្រហម  ពាក់ស្លាកលេខភ្នំពេញ1GE. 0984 មកពីក្រោយក៏បុកបន្តទៀតគរលេីគ្នាបណ្តាលឱ្យរបួសរលាត់ដៃជើង។ 

    សាក្សីបន្តថា បន្ទាប់មកកម្លាំងសមត្ថកិច្ចក៏ចុះមកដល់កំពុងធ្វេីការសម្របសម្រួលតែដោយសារមិនត្រូវគ្នាក៏ធ្វេីការវាស់វែងដេីម្បីយកម៉ូតូទាំង៣គ្រឿងយកទៅរក្សាទុកភ្លាម នោះស្រាប់តែមានបុរសម្នាក់ស្លៀកពាក់ស៊ីវិល មិនដឹងមកពីណា  ដោយសៀតកាំភ្លេីងខ្លីមួយដេីមអាយឌីមួយដេីម  មកឡូឡាដាក់កម្លាំងសមត្ថកិច្ច មិនឱ្យធ្វេីការវាស់វែងយកម៉ូតូទៅនោះទេ  ។ បន្ទាប់មកសមត្ថកិច្ចក៏សុំកម្លាំងអន្តរាគមន៍មកភ្លាម នោះបុរសខាងលេីក៏រត់ចូលក្នុងព្រៃដីឡូត៍មួយកន្លែងបាត់ទៅ។ 

ក្រោយកេីតហេតុសមត្ថកិច្ចបានយកម៉ូតូ ទាំង៣គ្រឿងយកទៅរក្សាទុកនិងហៅភាគីខាងម៉ូតូទៅដោះស្រាយនៅអធិការដ្ឋាននគរបាល ពោធិ៍សែនជ័យថែមទាំងសួរនាំអំពីបុរសដែលឡាំប៉ាដាក់សមត្ថកិច្ចដេីម្បីឱ្យចូលខ្លួនមកដោះស្រាយតាមច្បាប់៕ដោយ  ៖  ជីម  ភារ៉ា