ប៉ូលីសអ៊ីតាលីបង្ក្រាបគម្រោងក្លែងបន្លំ ប័ណ្ណសុខភាពកូវីដ១៩ នៅលើកម្មវិធីតេលេក្រាម
ប៉ូលីសអ៊ីតាលីនៅថ្ងៃច័ន្ទនេះ បានបញ្ឈប់ក្រុមជាច្រើននៅលើកម្មវិធីផ្ញើសារតាមទូរសព្ទ័ដៃគឺកម្មវិធី Telegram ដែលមានការ ទិញ-លក់ប័ណ្ណសុខភាពកូវីដ -១៩ ក្លែងក្លាយដែលអាចអនុញ្ញាតឱ្យអ្នកកាន់ប័ណ្ឌចូលប្រើសេវាកម្មនិងសកម្មភាពកម្សាន្តជាច្រើន។
ប៉ូលីសបាននិយាយនៅក្នុងសេចក្តីថ្លែងការណ៍មួយថា ពួកគេបានបិទក្រុមតេឡេក្រាមចំនួន ៣២ ដែលកំពុងប្រតិបត្តិការនៅទូទាំងប្រទេស។ ដោយក្រុមនោះផ្តល់ជូនប័ណ្ណក្លែងក្លាយដល់អតិថិជនរាប់ពាន់នាក់ ក្នុងតម្លៃរហូតដល់ ៥០០ អឺរ៉ូ (៥៨៨ ដុល្លារ) ក្នុងទម្រង់ជារូបិយប័ណ្ណឌីជីថល (cryptocurrency)ឬប័ណ្ណទិញទំនិញតាមអ៊ីនធឺណិត។
មនុស្ស ៤ នាក់ត្រូវបានដាក់ឱ្យស្ថិតក្រោមការស៊ើបអង្កេតដោយសង្ស័យថាមានការក្លែងបន្លំនិងក្លែងបន្លំ។ប័ណ្ណសុខភាពកូវីដ ១៩ នោះក៏ត្រូវបានគេហៅថា ហ្គ្រីនផាស (Green Pass) គឺជាវិញ្ញាបនប័ត្រលើប្រព័ន្ធឌីជីថលឬក្រដាស ដែលបង្ហាញថាម្ចាស់ប័ណ្ណសុខភាពកូវីដ ១៩ នោះបានទទួល វ៉ាក់សាំងការពារជំងឺកូវីដ ១៩ យ៉ាងតិចមួយដូស ឬបានធ្វើតេស្តអវិជ្ជមានចឬទើបជាសះស្បើយ។
រដ្ឋាភិបាលរបស់លោក Mario Draghi បានអនុម័តច្បាប់នេះដើម្បីព្យាយាមពន្លឿនការចាក់វ៉ាក់សាំងនៅចំពោះមុខការរីករាលដាលវ៉ារ្យ៉ង់ដែលតា ប៉ុន្តែច្បាប់នេះបានបង្កឱ្យមានការតវ៉ា ដោយជនជាតិអ៊ីតាលីខ្លះ ដែលពួកគេបាននិយាយថា វាជាការជាន់ឈ្លីសេរីភាពនិងជាវិធីប្រយោលនៃការបង្កើតកាតាព្វកិច្ចចាក់វ៉ាក់សាំង។
គិតត្រឹមថ្ងៃទី ៦ ខែសីហានេះ មានការតំរូវអោយមានប័ណ្ណសុខភាពកូវីដ ១៩នេះដើម្បី ចូលទៅកន្លែងហាត់ប្រាណ អាងហែលទឹក សារមន្ទីរ និងរោងកុន និងការទទួលទានអាហារនៅតាមភោជនីយដ្ឋាន។ ចាប់ពីថ្ងៃទី ១ ខែកញ្ញាទៅ ណ្ណសុខភាពកូវីដ ១៩នេះ ក៏នឹងក្លាយជា កាតព្វកិច្ចឲ្យនិស្សិតសាកលវិទ្យាល័យត្រូវមានដើម្បីអាចធ្វើដំណើរតាម រថភ្លើង យន្តហោះ កប៉ាល់ជាដើម។
យោងតាមទិន្នន័យចុងក្រោយបង្ហាញថា ប្រជាជនអ៊ីតាលីចំនួន ៦៦ ភាគរយបានចាក់វ៉ាក់សាំងការពារជំងឺកូវីដ ១៩ យ៉ាងតិចមួយដូសហើយប្រហែល ៥៥ ភាគរយនៃប្រជាជនសរុបបានចាក់វ៉ាក់សាំងគ្រប់។
ប្រភព៖ CNA
