ប្រធានក្រុមការងារចុះជួយមូលដ្ឋានខេត្តព្រៃវែងសម្តេចក្រឡាហោម ស ខេង បានបើកកិច្ចប្រជុំមួយនៅថ្ងៃនេះ ពិនិត្យបច្ចុប្បន្នភាពនៃការរីរាលដាលជំងឺកូវីដ-១៩ ពិសេសមេរោគបំប្លែងថ្មីប្រភេទ Delta ។

ខេត្តព្រៃវែងគឺជាខេត្ត បានរកឃើញករណីឆ្លងវីរុសបំប្លែងថ្មី Delta ចំនួន២ករណី ដែលបានឆ្លងពីពលករ២នាក់ទើបវិលត្រឡប់មកពីប្រ ទេសថៃ។ ពលករទាំង២ដែលម្នាក់រស់នៅក្នុងស្រុកពារាំង, និងម្នាក់ទៀតរស់នៅក្នុងស្រុកមេសាង ត្រូវ បានគេ រកឃើញមានរីរុសបំប្លែងថ្មី Delta កាលពីថ្ងៃទី៣១កក្កដា

ក្រោយការវិលត្រឡប់របស់ពួកគេទាំង២មកពីក្រៅ ប្រទេស រយៈពេលប្រមាណ១៤ថ្ងៃក្រោយមក។ ក្នុងកិច្ចប្រជុំតាមប្រព័ន្ធ Zoom ព្រឹកមិញនេះ ក៏មានការអញ្ជើញ ចូលរួម ពី អគ្គស្នងការនគរបាលជាតិនាយឧត្តមសេនីយ៍សន្តិបណ្ឌិតនេត សាវឿន, មន្ត្រីជាន់ខ្ពស់ថ្នាក់រដ្ឋលេខា ធិការ​របស់ ក្រសួងមហាផ្ទៃ, ប្រធានក្រុមប្រឹក្សាខេត្តព្រៃវែងលោក ស្បោង សារ៉ាត់ និងអភិបាលខេត្ត លោក ជា សុមេធិ ផងដែរ។

លោកអភិបាលខេត្តព្រៃវែង បានធ្វើរបាយការណ៍ស្ដីពីវឌ្ឍនភាពការងារបង្ការ និងទប់ស្កាត់ការ រីករាលដាលជំងឺ កូវីដ-១៩ ក្នុងខេត្តព្រៃវែង និងបានលើកឡើងនូវបញ្ហាប្រឈម និងសំណូមពរមួយចំនួនពាក់ ព័ន្ធនឹងការងារប្រយុទ្ធប្រឆាំងនឹងជំងឺកូវីដ-១៩ ពិសេសក្នុងស្ថានភាពប្រឈមនឹងមេរោគបំប្លែងថ្មី ដែលខេត្តព្រៃ វែងទើបបានរក ឃើញ២ករណីនាពេលនេះ។

សម្ដេចក្រឡាហោម ស ខេង បានថ្លែងកោតសរសើរ ចំពោះកិច្ចខិតខំប្រឹងប្រែងរបស់រដ្ឋបាលខេត្តចំពោះចំណាត់ ការប្រយុទ្ធប្រឆាំងនឹងជំងឺកូវីដ-១៩ និងថ្លែងអំណរគុណដល់មន្ត្រីជាក្រុមការងារទាំងអស់ដែលចុះជួយខេត្តព្រៃ វែងដែលបានចូលរួមផ្ដល់ការគាំទ្រទាំងថវិកា និងស្មារតី សំដៅរួមចំណែកជាមួយរដ្ឋបាលខេត្ត ក្នុងការងារប្រយុទ្ធ ប្រឆាំងនឹងជំងឺកូវីដ-១៩ និងការងារផ្ដល់សេវាសាធារណៈជូនប្រជាពលរដ្ឋ។