យោងតាមក្រសួងសុខាភិបាលនៅថ្ងៃទី១៣សីហាឆ្នាំ២០២១ បានឲ្យដឹងថា នៅថ្ងៃ១២សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៤២៣នាក់ ដែលក្នុងនោះអ្នកដំណើរមកពីបរទេសចំនួន៦៧នាក់ និងករណីឆ្លងសហគមន៍៣៥៦នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ១២សីហា មានអ្នកជាសះស្បើយពីជំងឺកូវីដ-១៩ ចំនួន៥៤១នាក់ និងមានអ្នកស្លាប់២០នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី១២សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន៤ពាន់២៦២នាក់ ក្នុងនោះបានព្យាបាលជាសះស្បើយចំនួន៧ម៉ឺន៨ពាន់៩៧២នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៦៥៤នាក់ហើយ។