យោងតាមក្រសួងសុខាភិបាលនៅថ្ងៃទី២៣សីហាឆ្នាំ២០២១ បានឲ្យដឹងថា នៅថ្ងៃ២២សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៤១០នាក់ ដែលក្នុងនោះអ្នកដំណើរមកពីបរទេសចំនួន១៣២នាក់ និងករណីឆ្លងសហគមន៍២៧៨នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ២២សីហា មានអ្នកជាសះស្បើយពីជំងឺកូវីដ-១៩ ចំនួន៥៣៧នាក់ និងមានអ្នកស្លាប់១៦នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី២២សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៨ម៉ឺន៩ពាន់៦៤១នាក់ ក្នុងនោះបានព្យាបាលជាសះស្បើយចំនួន៨ម៉ឺន៥ពាន់៦១៨នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៨០៨នាក់ហើយ។