បន្ទាយមានជ័យ៖ ឯកឧត្តមព្រំ សុភមង្គល អគ្គលេខាធិការអាជ្ញាធរម៉ីន ឯកឧត្តម ភុំ ភូមិរ៉ូ អគ្គនាយករងស៊ីម៉ាក  រួមនឹងប្រតិភូក្រុមការងា រលោក Gregoire Legault  តំណាងស្ថានទូតប្រទេសកាណាដា លោក គឹង វណ្ណៈ អភិបាលរងខេត្ត  តំណាងដ៏ខ្ពង់ខ្ពស់  ឯកឧត្ដម  អ៊ុ រាត្រីអភិបាលខេត្ត បន្ទាយមានជ័យ បានអញ្ជើញ ទស្សនកិច្ច នៅចម្ការមីន  និងស្វែងយល់កិច្ចប្រតិបត្តិការបោសសម្អាតមីនរបស់ស៊ីម៉ាក  នៅភូមិបន្ទាយឆ្មារជើង ឃុំបន្ទាយឆ្មារ ស្រុក ថ្មពួកថ្ងៃទី៥ខែកុម្ភៈ ឆ្នាំ២០២០។

លោក គឹង វណ្ណះ អភិបាលរងខេត្តបន្ទាយមានជ័យ មានប្រសាសន៍ថា ៖ សូមថ្លែងអំណគុណយ៉ាងជ្រាលជ្រៅទីបំផុត  ចំពោះរាជរដ្ឋាភិបាលកម្ពុជា  ពិសេស អាជ្ញាធម៌ម៉ីន អគ្គនាយកស៊ីម៉ាក  ដែលបានខំពុះពារគ្រប់បែបយ៉ាងមិនខ្លាចនឿយហត់ លើការងារបោសសម្អាតមីននៅទូទាំងប្រទេសកម្ពុជា  ដែលបានបន្សល់ទុកតាំងពីសម័យសង្គ្រាម  ពិសេសទឹកដីនៃខេត្តបន្ទាយមានជ័យ  ដូចជាស្រុកថ្មពួកជាដើម  ដែលសំបូរទៅដោយគ្រាប់យុទ្ធភ័ណ្ឌមិនទាន់ផ្ទុះជាច្រើនលើផ្ទៃដីរាប់សិបហិកតា   តាំងពីទស្សវត្សរ៍ឆ្នាំ៧០  ក្នុងអំឡុង សង្គ្រាម រ៉ាំរៃអស់រយ:ពេលជាង១០ឆ្នាំ  ដោយមកដល់បច្ចុប្បន្ននេះ  ផ្ទៃដីមួយចំនួនធំត្រូវបានបោសសម្អាត  ដោយក្រុមការងារស៊ីម៉ាក។ លោកអភិបាលរងខេត្ត  ក៏បានអរគុណចំពោះម្ចាស់ជំនួយដែលតែងតែជួយដល់កម្ពុជា  លើការងារបោសសម្អាតមីន  ដោយបានផ្តល់ជាថវិកា  និងសម្ភារៈ ជាច្រើនលើការងារទាំងនេះ   ។

ឯកឧត្តមព្រំ សុភមង្គល អគ្គលេខាធិការអាជ្ញាធរម៉ីនដោយផ្អែកលើគោលនយោបាយរបស់រាជរដ្ឋាភិបាលកម្ពុជា  ក្នុងគោលនយោបាយអភិវឌ្ឍន៍ជាតិសកម្មភាពកម្ចាត់មីនពីឆ្នាំ២០១៨-២០២៥  ស្របទៅនឹងគោលនយោ បាយរាជរដ្ឋាភិបាលអាណ្តតិទី៦  ដែលរៀបចំឲ្យស្របទៅនឹងគោលការអភិវឌ្ឍន៍ប្រកបដោយចីរភាព  អាជ្ញាម៉ីនបានរៀបចំផែនការ និងគៀងគររកជួយបន្ថែម ដើម្បីបោសសំអាត គ្រាប់យុទ្ធភ័ណ្ឌមិនទាន់ផ្ទុះដែលនៅសេសសល់ពីសង្គ្រៀម ពង្រើកផ្ទៃដីជូនពលរដ្ឋដាំដុះ។

 ឯកឧត្តម ភុំ ភូមិរ៉ូ បានលើកឡើងថា ៖ ថ្វីបើគ្រាប់ មីន  និងគ្រាប់យុទ្ធភ័ណ្ឌមិនទាន់ផ្ទុះ  យើងបានធ្វើការបោសសម្អាត់បានមួយចំនួនក៏ដោយ  ក៏យើងទាំងអស់គ្នាត្រូវតែមានការប្រុងប្រយ័ត្នជានិច្ច  បើសិនក្នុងករណីប្រទះឃើញគ្រាប់យុទ្ធភ័ណ្ឌមិនទាន់ផ្ទុះត្រូវរាយការណ៍   មកអាជ្ញាធរស៊ីម៉ាក  ដើម្បីធ្វើការកំទេចចោល  ដោយក្នុងនោះប្រជាជនកម្ពុជាយើងជាច្រើនរយនាក់ត្រូវបានទទួលរងគ្រោះថ្នាក់ដោយគ្រាប់ទាំងអស់នេះ ខ្លះត្រួវបាត់បង់ជីវិត និងខ្លះទៀតត្រូវពិការដៃ ជើងជាដើម។ ឯកឧត្តម បន្តថា  ៖  ទឹកដីស្រុកថ្មគឺសម្បូទៅដោយគ្រាប់យុទ្ធភ័ណ្ឌមិនទាន់ផ្ទុះ នៅសេសសល់ច្រើនតាំងពីសម័យសង្រ្គាម  ដែលបច្ចុប្បន្ន  ស៊ីម៉ាកកំពុងធ្វើការបោសសម្អាត  បានផ្ទៃដីមួយចំនួន  មួយចំនួនទៀតកំពុងធ្វើការបោសសម្អាត  ។

យោតាមទិន្ន័យចម្ការមីន  និងគ្រាប់មិនទាន់ផ្ទុះនៅក្នុងខេត្តបន្ទាយមានជ័យមានចម្ការមីន សរុប  ៣៩២២ផ្ទៃដី  ស្មើរនឹង  ២៥,២៤២ហិកតា  ។ ចម្ការមីនបោសសម្អាតរួច  ២៣៣៥ផ្ទៃដី  ស្មើរនឹង  ១១៦៧៨ហិកតា  ។ និងផ្ទៃនៅសល់មិនទាន់បោសសម្អាត  ១៥៨៧ផ្ទៃដី  ស្មើនឹង ១៣៥៦៤ហិកតា  ៕ ធ.ដ

ដោយ៖ឃិន គន្ធា