កម្ពុជាបានសម្រេចការនាំទំនិញចេញទៅប្រទេសជប៉ុនបានជាង ៨០០លានដុល្លារនៅឆមាសទី១ ឆ្នាំ២០២១ នេះ។ របាយការណ៍របស់អង្គការពាណិជ្ជកម្មក្រៅប្រទេសជប៉ុន JETRO បានឲ្យដឹងថាក្នុងឆមាសទី១ ឆ្នាំនេះ ការនាំចេញទំនិញរបស់កម្ពុជាទៅកាន់ប្រទេសជប៉ុនក្នុងតម្លៃទឹកប្រាក់សរុបជាង ៨០០លានដុល្លារអាមេរិកនេះ គឺ កើនឡើងជិត៣ភាគរយ បើធៀបនឹងរយៈពេលដូចគ្នា កាលពីឆ្នាំ២០២០។

របាយការណ៍ JETRO បញ្ជាក់ថា ការនាំចេញរបស់កម្ពុជាទៅជប៉ុននៅតែខ្លាំងជាងប្រទេសឡាវ និងមីយ៉ានម៉ាជាដដែលនោះទេ និងបើទោះបីជា កម្ពុជាកំពុងប្រឈមនឹងបញ្ហាកូវីដ ១៩ ដោយកម្ពុជានៅតែរក្សាបានចំណាត់ថ្នាក់ខ្ពស់ស្ថិតនៅលេខរៀងលំដាប់ ទី៨ នៃប្រទេសក្នុងតំបន់អាស៊ានដែលបាននាំចេញទៅប្រទេសជប៉ុននោះ។