ផ្ទះចំនួន១១ខ្នង ត្រូវបានប្រគល់ជូនដល់ពលរដ្ឋរងគ្រោះដោយខ្យល់កន្ត្រាក់ និងពលរដ្ឋដែលមានជីវភាពក្រីក្រ នៅក្នុងស្រុកឧដុង្គនៃខេត្តកំពង់ស្ពឺ។ ពិធីប្រគល់នេះ បានធ្វើឡើងនៅនៅព្រឹកថ្ងៃទី០៣ ខែកញ្ញា ឆ្នាំ២០២១ ក្រោមវត្តមានរបស់អភិបាលខេត្តកំពង់ស្ពឺ លោក វ៉ី សំណាង។ 

លោកអភិបាលខេត្ត បានថ្លែងថាផ្ទះទាំង១១ខ្នង ប្រគល់ជួនពលរដ្ឋនោះ គឺជាអំណោយដ៏ថ្លៃថ្លារបស់ប្រធានកាកបាទក្រហមកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ។ ប្រជាពលរដ្ឋដែលបានទទួលផ្ទះជាអំណោយនោះ រទនមានពលរដ្ឋក្នុងឃុំ ក្រាំងចេក ចំនួន៣ ខ្នង, ឃុំមានជ័យចំនួន៣ខ្នង, ឃុំវាលពង់ចំនួនមួយខ្នង, ឃុំព្រះស្រែចំនួនមួយខ្នង ឃុំភ្នំតូចចំនួនមួយខ្នងនិង ឃុំ ពាំងល្វាចំនួនមួយខ្នង។