អ៊ីតាលីបរិច្ចាកវ៉ាក់សាំងជាង ១០ ម៉ឺនដូសដល់អ៊ីរ៉ាក់តាមរយៈកម្មវិធី Covax
យោងតាមអង្គការយូនីសេហ្វ(UNICEF) ប្រទេសអ៊ីរ៉ាក់ បានទទួលវ៉ាក់សាំង AstraZeneca ចំនួនជាង ១០ ម៉ឺនដូសពីប្រទេសអ៊ីតាលីតាមរយៈ គម្រោងចែកចាយវ៉ាក់សាំងកូវីដ-១៩ ជាសកល (COVAX)។
បើយោងតាមសារព័ត៌មាន AFP ក្នុងចំណោមមនុស្សជាង ៤ លាននាក់ នៅអ៊ីរ៉ាក់ ប្រជាជនប្រមាណ ១០ ភាគរយ បានទទួលដូសទី ១ រួចហើយ។
យោងតាមសេចក្តីថ្លែងការណ៍របស់យូនីសេហ្វ (UNICEF) ដែលសហការជាមួយអង្គការសុខភាពពិភពលោក (WHO) នៅថ្ងៃ អាទិត្យ នេះ ប្រទេសអ៊ីរ៉ាក់បានទទួលវ៉ាក់សាំង AstraZeneca ចំនួន ១០០,៨០០ ដូស ជាការចែកចាយលើកដំបូង ដែលប្រទេសអ៊ីតាលីសន្យាថានឹងបរិច្ចាកវ៉ាក់សាំងប្រមាណ ១៥ លានដូសទៅឱ្យគម្រោង Covax។
យ៉ាងណាមិញ នៅមានមន្ទិលជាច្រើនកើតឡើងជុំវិញការបរិច្ចាកវ៉ាក់សាំង ដែលជាលទ្ធផលនៃការផ្តល់ព័ត៌មានមិនត្រឹមត្រូវ និងការមិនទុកចិត្តជាសាធារណៈនៅក្នុងរដ្ឋ បានរារាំងដល់ការប្រតិបត្តិការរបស់បុគ្គលិកសុខាភិបាល។
គម្រោង Covax ត្រូវបានគាំទ្រ ដោយអង្គការសុខភាពពិភពលោក ដោយសម្ព័ន្ធភាពវ៉ាក់សាំង Gavi និងសម្ព័ន្ធ ដើម្បីការច្នៃប្រឌិតការត្រៀមបង្ការការរាតត្បាត (CEPI) ដែលមានគោលបំណងធានាឱ្យការចែកចាយវ៉ាក់សាំងកូវីដ ប្រកបដោយសមធម៌ ជាពិសេសដល់ប្រទេស ដែលមានប្រាក់ចំណូលទាប។
