អាជ្ញាធរជាតិអប្សរា បានចាប់ផ្តើមជួសជុលកាំជណ្តើរច្រាំងកសិន្ធុប្រាសាទអង្គរវត្តផ្នែកខាងត្បូងនៃស្ពានហាល។ អាជ្ញាធរជាតិអប្សរាបានថ្លែងថាការជួសជុលនេះ  គឺដើម្បីលើកតម្លៃសំណង់បុរាណឱ្យនៅគង់វង្ស, ការជួយរក្សា ទឹកទុកដើម្បីភាពរឹងមាំរបស់គ្រឹះប្រាសាទ និងការបង្កើនសោភ័ណភាពស្រស់ស្អាតបន្ថែមនៃប្រាសាទអង្គរ វត្ត។

មន្រ្តីបច្ចេកទេសនៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការលោក ម៉ៅ សុខនី បានឱ្យ ដឹងថា គម្រោងជួសជុលនេះមានប្រវែងសរុប២០០ម៉ែត្រ ដោយចែកចេញជា៣ដំណាក់កាល និងប្រើប្រាស់ពេល វេលាជួសជុលចំនួនបីឆ្នាំ។

ច្រាំងកសិន្ធុប្រាសាទអង្គរវត្តនេះ ត្រូវគេរាយការណ៍ថា ក៏ធ្លាប់មានប្រវត្តិជួសជុលជា ច្រើនដងរួចមកហើយដោយក្រុមសាលាបារាំងចុងបូព៌ា, ដោយក្រុមអ្នកជំនាញការអ៊ីតាលី និងដោយក្រុម អ្នក ជំនាញការប្រទេសឥណ្ឌាផងដែរ៕